Luka 2:10 - Tokelauan New Testament

¹⁰ kae kua lea atu te agelu ki a te ki lātou, “Koutou nahe mātataku! Kikila, ko au kua hau ma he tala lelei mo koutou, he tala e maua ai e tagata uma te fiafia lahi.

Luka 2:10 ပူးပေါင်းရင်းမြစ်များ

Mataio 14:27

I te taimi lava tēnā, na vāgana mai ai ia Iehu ki a te ki lātou, kua vē mai, “Fakamākeke! Ko au tēnei. Koutou nahe mātataku!”

Mataio 28:18

Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.

Mataio 28:5

Oi lea atu ai te agelu ki nā fafine, “Koulua nahe mātataku. E iloa e au ko Iehu tēia na fakahātaulo, ta koulua e hakili.

Maleko 1:15

Kua vāgana atu, “Kua pa ki te taimi, ko te Mālō o te Atua kua pili mai; liliu kehe mai autou agahala ma talitonu ki te Tala Lelei!”

Maleko 16:15

Oi vāgana atu ai ki a te ki lātou, “Olo ki itū uma o te lalolagi oi tālaki atu te Tala Lelei ki tagata uma.

Luka 1:13

Kae kua lea atu te agelu ki ei, “Ia koe nā mataku Hakalia, auā kua lagona e te Atua tau tatalo. Ka fānau mai e Elihapeta tau āvaga, he ataliki mo koe, ma ka fakaigoa e koe ki a Ioane.

Luka 1:19

Kua tali mai te agelu, “Ko au ko Kapelielu. Ko au ko he kaukauna fakapitoa e a te Atua. Ko au na uga mai e te Atua ke tautala atu ki a te koe, ma fakailoa atu te tala lelei tēnei.

Luka 1:30

Kua lea atu te agelu ki ei, “Malia, koe nahe mataku, auā kua alofagia koe e te Atua.

Luka 2:11

Auā ko te aho lava tēnei na fānau mai ai i te kakai o Tavita, te koutou Fakaola — ko te Mehia te Aliki!

Luka 24:47

ma ka tālaki atu e ala i tona igoa, te fekau e uiga ki te halamō ma te fakamāgaloga o agahala, ki nā nuku uma, e kāmata atu i Ieluhalema.

Luka 8:1

I he taimi mulimuli ake, oi fano ai ia Iehu kua kui atu i nā kakai ma nā nuku, oi tālaki atu te Tala Lelei e uiga ki te Mālō o te Atua. Na olo fakatahi ma ona hoko e toka hefululua,

Gāluega 13:32

Oi ko ki māua e i kinei ke kaumai te Tala Lelei ki a te koutou: ko te mea na folafola e te Atua ki o tātou tupuna e ia faia, kua uma te ia fakataunukua mo ki tātou o lātou lāpuna, e ala i te toe fakatū mai o Iehu mai te mate. E vē oi tūhia i te lua o Halamo: ‘Ko koe ko toku Ataliki; ko te aho nei kua fai ai au ma ō Tamana.’

Loma 10:15

Ma, e mafai vēhea ke folafola te fekau, pe kāfai e hē uga atua nā kavefekau? E vē oi lea mai te tuhituhiga paia, “Kai te gali o te haeleele mai o nā kavefekau e folafolagia te tala lelei!”

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

Kolohe 1:23

Ko koutou la e tatau ke tūmau i te fakavae o te koutou fakatuatua, ma ke nahe māluelue lele mai te fakamoemoe na maua e koutou i te koutou lagonaga o te Tala Lelei. E mo te Tala Lelei tēnei kua kavea ai ia au tēnei ko Paulo, ma kaukauna — te Tala Lelei tēia kua folafola ki tagata uma o te lalolagi.