Luka 19:27 - Tokelauan New Testament

²⁷ Kae vē la ki nā fili o oku nae hē fofou ke kavea au ma o lātou tupu, kaumai ki kinei ki oku mua oi tāmate ai!’ ”

Luka 19:27 ပူးပေါင်းရင်းမြစ်များ

Mataio 22:7

Kua ita lahi lele te tupu; oi na uga ai e ia ana fitafita, ma na ki lātou fakaumatia nā tino tāmate tino iēnei, ma huhunu to lātou kakai.

Luka 19:14

Kae ko nā tino o tona fenua nae inoino lele ki ei, ma na uga atu ai e ki lātou he kavefekau ke mulimuli ki a te ia, ma ke lea vē, ‘Ko ki mātou e hē fofou ke fai te tagata tēnei ma o mātou tupu.’

Luka 20:16

Ka hau nei oi tāmate nā tamāloa iēnā, ma tuku atu te tōvine ki ni iētahi nofolihi.” I te lagona atuga e nā tino te mea tēnei, oi lea vē atu ai, “E hē tatau lele ke vēnā!”

Luka 21:22

Auā ko nā taimi iēnā o nā ‘Aho o te Fakahalaga,’ ke taunuku ai nā mea uma e vē ona tūhia i nā Tuhituhiga Paia.

Luka 21:24

Ko iētahi tino ka tāmate i te pelu, ka ko iētahi ka kave fakapagotā ki atunuku uma; ma ko Ieluhalema ka holi ki lalo i vae o tagata nukukehe, ke pa lava ki te aho e uma ai te lātou pule.

Epelu 10:13

I kinā e fakatalitali ai ke tuku e te Atua nā tino e fili ki a te ia, ke vē he nofoa ke tuku ki luga ona vae.