Luka 19:14 - Tokelauan New Testament

¹⁴ Kae ko nā tino o tona fenua nae inoino lele ki ei, ma na uga atu ai e ki lātou he kavefekau ke mulimuli ki a te ia, ma ke lea vē, ‘Ko ki mātou e hē fofou ke fai te tagata tēnei ma o mātou tupu.’

Luka 19:14 ပူးပေါင်းရင်းမြစ်များ

Luka 14:32

Kāfai e fuafua e ia e hē ia mafai, ka uga e ia nā kavefekau ki tētahi tupu ka koi mamao lele, mo he māliliega ke tauhi ai te fīlēmū.

Luka 19:13

Ka ko hēki fano kehe, na fekau e ia ana kaukauna e toka hefulu, ma fōki ki a te ki lātou tau tokatahi he tupe aulo, ma lea vē atu ki ei, ‘Fakaaogā te tupe tēnei ke toe maua mai ai ni iētahi tupe, ke toe pa mai au.’

Luka 19:15

“Na kavea te aliki ma tupu, oi toe foki mai ai ki tona mālō. Oi fakatonu ai loa e ia ana kaukauna ke ōake ki a te ia, kae ke ia iloa pe fia ni tupe na ki lātou maua.

Luka 19:27

Kae vē la ki nā fili o oku nae hē fofou ke kavea au ma o lātou tupu, kaumai ki kinei ki oku mua oi tāmate ai!’ ”

Ioane 1:11

Na hau ki tona nuku, kae e hēki talia ia e ona tagata.

Ioane 15:18

“Kāfai ia tagata o te lalolagi e inoino atu ki a te koutou, ke koutou manatua, na inoino muamua mai ki a te au.