Luka 19:13 - Tokelauan New Testament

¹³ Ka ko hēki fano kehe, na fekau e ia ana kaukauna e toka hefulu, ma fōki ki a te ki lātou tau tokatahi he tupe aulo, ma lea vē atu ki ei, ‘Fakaaogā te tupe tēnei ke toe maua mai ai ni iētahi tupe, ke toe pa mai au.’

Luka 19:13 ပူးပေါင်းရင်းမြစ်များ

Mataio 25:16

Ko te kaukauna na tuku ki ei nā tāleni e lima, kua fano fakavave oi fakagalue te tupe ma toe maua mai ai iētahi tāleni e lima.

Mataio 25:20

Ko te kaukauna na tuku ki ei te lima tāleni, kua hau ki loto ma tuku atu ki tona matai tētahi lima tāleni fakaopoopo. ‘Toku matai, na tuku mai e koe ki a te au nā tāleni e lima. Kikila, iēnei iētahi tāleni e lima.’

Mataio 25:22

“Oi hau ai ki loto te kaukauna na tuku ki ei nā tāleni e lua ma lea vē atu ki tona matai, ‘Toku matai, na tuku mai e koe ki a te au nā tāleni e lua. Kikila, iēnei iētahi tāleni e lua na maua i aku taumafaiga.’

Mataio 25:24

“Oi hau ai te kaukauna na tuku ki ei te tāleni e fokotahi ma lea vē atu ki tona matai, ‘Toku matai, na iloa e au ko koe he tino faigatā; e tau e koe ia fua o nā lākau fatoaga i te mea e hēki totōa e koe ki ei ni fatu lākau, ma helehele e koe te mea e hēki lūlūa e koe.

Luka 19:12

Oi vāgana atu ai ia Iehu, “Nae i ei he aliki maualuga na fano ki hētahi fenua mamao ke fakauku ia ma tupu, oi toe foki ifo ai kāfai e uma.

Luka 19:14

Kae ko nā tino o tona fenua nae inoino lele ki ei, ma na uga atu ai e ki lātou he kavefekau ke mulimuli ki a te ia, ma ke lea vē, ‘Ko ki mātou e hē fofou ke fai te tagata tēnei ma o mātou tupu.’

Ioane 12:26

Ko ai lava he tino e fia kaukauna mai ki a te au, e tatau ke mulimuli mai ki a te au, ma ko te mea e i ei au, ka i ei ai foki taku kaukauna. Ko ai lava e kaukauna mai ki a te au, ka vīkia ia e toku Tamana.

Kalatia 1:10

Ko au e hē lea vēnei atu ona ko au e fofou ki te mea e fiafia ai ia tagata. Hēai! Ko te mea e fofou au ki ei, ko te mea e fiafia ki ei te Atua. Ko au e hē taumafai ke fiafia mai ia tagata ki a te au. Kāfai ko tēnei te mea e fai e au, ko au la e hē ko he kaukauna e a Keliho.

Iakopo 1:1

Mai ia Iakopo, he kaukauna e a te Atua ma e a te Aliki ko Iehu Keliho: E fakatālofa atu ki nā puikāiga e hefululua e takape i te lalolagi kātoa.

2 Petelu 1:1

Mai ia Himona Petelu, he kaukauna ma he apohitolo e a Iehu Keliho — Ki nā tino kua fōki ki ei he fakatuatua tāua e vē foki lava ko ki mātou, e ala i te āmiotonu o to tātou Atua ma to tātou Fakaola ko Iehu Keliho: