Luka 18:7 - Tokelauan New Testament

⁷ Ka hē fehoahoani nei te Atua ki ona tagata e tatalo atu pea lava ki a te ia i te ao ma te pō, mo tana fehoahoani? E i na tuai nei oi fehoahoani te Atua ki a te ki lātou?

Luka 18:7 ပူးပေါင်းရင်းမြစ်များ

Mataio 24:22

Kae kua uma te fakaitiitia e te Atua te nūmela o nā aho; anei ake e hēki ia faia te mea tēnei, e hēai he tino fokotahi na mafai ke ola. Kae ona ko te alofa o te Atua ki ona tagata kua uma te ia filifilia, ka fakaitiitia ai e ia te nūmela o nā aho.

Mataio 24:24

Auā ka ōmamai nā Keliho pepelo ma nā pelofeta pepelo; ka ki lātou faia ni vāvega uiga kehe ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Mataio 7:11

Kāfai la koutou, e ui lava e kino, kae e koutou iloa oi fōki nā mea lelei ma autou fānau, ka hē hili atu nei la te lahi o nā mea lelei ka fōki atu e te koutou Tamana i te lagi, ki nā tino e gogō atu ki a te ia!

Luka 11:13

Kāfai la koutou, e ui lava e kino kae e koutou iloa oi fōki nā mea lelei ma autou fānau, ka hē hili atu nei la te lahi o nā taimi ka uga ifo ai te Agaga Paia e te Tamana i te lagi, ki nā tino e gogō atu ki a te ia!”

Luka 21:28

Kāfai nā mea iēnei e kāmata oi tutupu, tutū ki luga ma tepa ake ki te lagi, auā ko te koutou fakaolataga kua tāli pa mai.”

Loma 8:33

Ko ai te ka ia mōlia ia tagata filifilia o te Atua? E hē mafai e he tino, auā ko te Atua lava ia te na ia fakaleleia to lātou va ma ia!

Kolohe 3:12

Ko koutou ko nā tino o te Atua; na alofa atu te Atua ki a te koutou, ma na ia filifilia koutou ke fai mo ia. Ko te mea ia e tatau ai koutou ke kokofu i te tīgā alofa, agalelei, loto maulalo, agamalū ma te onohai.

1 Tehalonia 3:10

I te pō ma te ao ko ki mātou e ole atu ki a te ia ma o mātou loto kātoatoa, ke maua he tātou feiloakiga ma kavatu ki a te koutou nā mea e manakomia e koutou ke haga mautū ai te koutou fakatuatua.

2 Tehalonia 1:6

E fai lava e te Atua te mea e tonu: ka taui e ia nā puapuagā ki nā tino na puapuagā ai koutou,

1 Timoteo 5:5

Ko he fafine kua oti tana āvaga e nofo tautahi ma hēai he tino e ia tauhiagia, kua tukutahi tona fakamoemoe ki te Atua, ma e tatalo pea lava i te ao ma te pō, mo he fehoahoani.

2 Timoteo 1:3

Ko au e fakafetai ki te Atua, tē e kaukauna au ki ei ma te lotofuatia e mamā e vē ona faia e oku tupuna, ma e manatua pea lava koe i aku tatalo i te pō ma te ao.

2 Timoteo 2:10

Ma ko au e onohai i nā mea uma iēnei mo te lelei o nā tino kua filifilia e te Atua, kae ke mafai ai foki ke ki lātou maua te fakaolataga e ala ia Keliho Iehu ma maua ai nā vīkiga e fakavavau.

Tito 1:1

Mai ia Paulo, he kaukauna e a te Atua ma ko he apohitolo e a Iehu Keliho. Ko au na filifilia ke fehoahoani ki tagata o te Atua ke tūmau to lātou fakatuatua ma takitaki ki lātou ki te meamoni e akoako e te tātou talitonuga,

1 Petelu 1:1

Mai ia Petelu, he apohitolo e a Iehu Keliho — Ki nā tino kua filifilia e te Atua, e nonofo e vē ni tagata kua fakaaunukua ma e takape i nā kogāfenua o Ponitoho, Kalatia, Kapatokia, Ahia ma Pitunia.

2 Petelu 3:9

Ko te mea kua uma te folafola e te Aliki e hē tuai te fakataunukuga e ia, e vē oi manatu iētahi tino. Kae e onohai pea lava ia, auā e hē fofou ke i ei he tino o koutou e fakaumatia, kae e fofou ko tagata uma ke liliu kehe mai a lātou agahala.

Fakaaliga 18:20

E tatau te lagi ke fiafia, auā kua fakaumatia e te Atua ia Papelona! E tatau koutou tagata o te Atua, te kau apohitolo ma te kau pelofeta ke fiafia! Auā kua fakahalagia e te Atua ia Papelona ona ko nā mea na ia faia ki a te koutou!

Fakaaliga 6:10

E taukalalaga leo lahi vē ki lātou, “Te Aliki Hilihilikehe e paia ma fakamāoni! Ko āfea nei te ka fakamahino ai e koe ia tagata i te lalolagi ma fakahala ki a te ki lātou, ke taui ai o mātou toto!”

Fakaaliga 7:15

Ko te mea ia e tutū ai ki lātou i mua o te nofoāliki o te Atua ma tautua ki a te ia i te ao ma te pō, i tona mālumalu. Ko tē e nofo i te nofoāliki, ka ia puipuia ki lātou i tona ei ma ki lātou.