Luka 18:5 - Tokelauan New Testament

⁵ kae ona kua fai pea lava te fafine kua oti tana tāne ma fakahoehā ki a te au, ka fehoahoani ai au ki ei, kae ke uma ai toku fītā i te hau ho!’ ”

Luka 18:5 ပူးပေါင်းရင်းမြစ်များ

Mataio 15:23

Kae e hē vāia lele ki ei ia Iehu. Oi ōmai ai ona hoko kua tauanau ki a Iehu ma lea vē atu ki ei, “Uga ko te fafine ke fano kehe auā e taumulimuli mai ma taukekē!”

Luka 11:8

E lea atu au ki a te koutou, e tuha lava pe kāfai ka hē tū ki luga te tino oi fōki he mea ona ko he uō e a ia, kae ona ko te gogō fakatauanau mai ka tū ai lava ki luga oi fōki ho he mea lava e fofou mai ki ei tana uō.

Luka 18:3

Nae i te kakai foki tēnā he fafine kua oti tana āvaga, kua fai ma ana haga ko te fano pea lava ki te fakamahino ma tauanau vē ki ei, ‘Fehoahoani mai ko kae ke mālō au i to mā fakamahinoga ma te tino e teteke mai ki a te au!’

Luka 18:39

Ko nā tino nae i mua kua mumuna ki te tāuaho ma lea ki ei ke nahe piha. Kae kua ātili ai te tau kalaga leo lahi vē atu, “Te Ataliki o Tavita, alofa mai ko ki a te au!”

1 Kolinito 9:27

E fakamākeke e au toku tino i te tatuki ma pūlea ki toku loto kātoa, nā ia au e fakahala ma tuli kehe ma te tākaloga, tēia kua uma toku kalaga ki iētahi tino ke ōmamai oi tākakalo ai.