Luka 18:42 - Tokelauan New Testament

⁴² Kua vāgana atu ia Iehu ki ei, “Pupula la! Ko tō fakatuatua kua mālōlō ai koe.”

Luka 18:42 ပူးပေါင်းရင်းမြစ်များ

Mataio 15:28

Oi tali mai ai ia Iehu, “Te māfine, e aloā tō fakatuatua e lahi! Ko te mea e fofou koe ki ei, ka vēnā lava oi fai mo koe.” I te taimi lava tēnā, na mālōlō ai tana tama teine.

Mataio 8:3

Oi papae atu ai ia Iehu, kua paki atu tona lima ki te lēpela ma lea vē atu, “Ko au e loto ki ei. Mamā loa!” Ma ko te taimi lava tēnā na mamā ai ia mai te lēpela.

Mataio 9:22

Kua liliu mai ki tua ia Iehu ma ia kitea te fafine, oi lea vē atu ai ki ei, “Toku afafine, fakamākeke! Ko tō fakatuatua kua mālōlō ai koe.” Ko te taimi lava tēnā na mālōlō ai te fafine.

Luka 17:19

Oi lea atu ai ia Iehu ki te tino tēnei, “Tū la ki luga oi fano; ko tō fakatuatua kua mālōlō ai koe.”

Luka 18:41

“He ā te fofou koe ke kō faia mo koe?” Kua tali mai te tāuaho, “Te Aliki, ko au e fofou ke toe pupula oku mata.”

Luka 7:50

Kae kua lea atu ia Iehu ki te fafine, “Ko tō fakatuatua kua ola ai koe; fano la ma te manuia.”

Luka 8:48

Oi vāgana atu ai ia Iehu ki ei, “Toku afafine, ko tō fakatuatua kua mālōlō ai koe. Fano la, ma ke ia te koe te fīlēmū.”