Luka 18:28 - Tokelauan New Testament

²⁸ Oi lea atu ai ia Petelu, “Kikila, kua tuku e ki mātou o mātou kāiga kae mulimuli atu ki a te koe.”

Luka 18:28 ပူးပေါင်းရင်းမြစ်များ

Mataio 19:27

Oi tali atu ai ia Petelu, “Kikila, kua tuku e ki mātou a mātou mea uma lele kae mulimuli atu ki a te koe. He ā nei ta ki mātou ka maua?”

Mataio 9:9

Kua fano kehe ia Iehu ma kinā, ma e havali atu kae ia kitea atu he aolāfoga e igoa ki a Mataio, e nofo mai i loto o tona ofiha. Oi vāgana atu ia Iehu ki ei, “Mulimuli mai ki a te au.” Oi tū ai ki luga ia Mataio kua mulimuli ki a Iehu.

Maleko 10:28

Oi vē atu ai te kupu a Petelu, “Kikila, kua tuku e ki mātou a mātou mea uma lele kae mulimuli atu ki a te koe.”

Luka 5:11

Kua toho ake o lātou vaka ki gāuta, oi tuku ai e ki lātou nā mea uma, kae mulimuli ki a Iehu.

Ioane 19:27

Kua lea atu foki ki tona hoko, “Tēia tō mātua.” Oi kave ai e te hoko te mātua ke nofo i tona fale, kāmata mai i te taimi tēnā.

Filipi 3:7

Kae ko nā mea uma lele nae fakatāua e au muamua, kua hē toe tāua i te taimi nei, ona ko Keliho.