Luka 18:14 - Tokelauan New Testament

¹⁴ Kua vāgana atu ia Iehu, “E lea atu au ki a te koutou, ko te aolāfoga kae hē ko te Falehaio te tino e hako i mua o te Atua i te fanoga ki tona fale. Auā ko nā tino e loto fakamaualuga, ka fakamaulalogia! Ka ko nā tino e lotomaulalo, ka fakaeke ki luga ma kavea ma tagata takutakua.”

Luka 18:14 ပူးပေါင်းရင်းမြစ်များ

Mataio 23:12

Ko ai lava e loto fakamaualuga ka fakamaulalogia, ka ko ai lava e lotomaulalo, ka fakaeke ki luga ma kavea ma tino takutakua.

Mataio 5:3

“Amutia nā tino e ki lātou iloa to lātou mātitiva i nā mea tau ki te Atua; auā e o ki lātou te Mālō o te lagi!

Luka 1:52

Kua tuku e ia ki lalo nā tupu mālolohi mai o lātou nofoāliki, kae hiki ki luga nā tino fakatauva.

Luka 10:29

Kae kua fofou te faiakoga o te Tūlāfono, ke fakailoa ko ia e mālamalama i nā mea iēnei, oi fehili vē atu ai ki a Iehu, “Ko ai toku tuākoi?”

Luka 14:11

Auā ko nā tino e loto fakamaualuga, ka fakamaulalogia, ka ko nā tino e lotomaulalo, ka fakaeke ki luga ma kavea ma tagata takutakua.”

Luka 16:15

Kua vāgana atu ia Iehu ki a te ki lātou, “Ko koutou iēnā e fia āmiotonu i mua o tagata, kae e kitea e te Atua nā mea i outou loto. Auā ko nā mea e fakatāua i te kikila a te tagata, ni mea iēnā e inoino ki ei te Atua.

Loma 3:20

Auā e hēai he tino e mafai ke fakalelei tona va ma te Atua, ona e mulimuli ki nā mea e lea mai ai te Tūlāfono; auā ko te Tūlāfono e maua ai e ki tātou te mālamalama e uiga ki te agahala.

Loma 4:5

Kae ko nā tino e fakalagolago ki te fakatuatua kae hē ko a lātou gāluega e fai, ma talitonu ki te Atua tē e ia fakamāgaloa nā tino agahala, ko te fakatuatua la tēnei te taulia i te kikila a te Atua, e mafai ke fakalelei ai to lātou va ma ia.

Loma 5:1

Nei la kua uma te fakalelei o te va o ki tātou ma te Atua e ala i te fakatuatua, kua maua ai e ki tātou te fīlēmū i te māfutaga ma te Atua e ala i to tātou Aliki ko Iehu Keliho.

Loma 8:33

Ko ai te ka ia mōlia ia tagata filifilia o te Atua? E hē mafai e he tino, auā ko te Atua lava ia te na ia fakaleleia to lātou va ma ia!

Kalatia 2:16

Kae e iloa e ki tātou, oioti lava te auala e mafai ai he tino ke fakalelei tona va ma te Atua, ko te fakatuatua ki a Iehu Keliho, ka e hē ko te faia o nā mea e leamai ai te Tūlāfono na kui mai ia Mohe. Ko ki tātou foki la kua talitonu ki a Keliho Iehu, kae ke fakalelei ai to tātou va ma te Atua e ala i to tātou fakatuatua ki a Keliho, kae hē ona e fai e ki tātou nā mea e leamai ai te Tūlāfono. Auā e hēai he tino e mafai ke fakaleleia tona va ma te Atua e ala i te mulimuli ki nā mea e leamai ai te Tūlāfono.

Iakopo 4:10

Fakamaulalo i mua o te Aliki, oi hiki ake ai koutou e ia ki luga.

Iakopo 4:6

Kae ko te alofa tūnoa o te Atua e hili atu tona mālohi. E vēia oi lea mai te tuhituhiga paia, “Ko te Atua e teteke ki nā tino fakamaualuga kae fakaali tona alofa tūnoa ki nā tino loto maulalo.”