Luka 18:12 - Tokelauan New Testament

¹² E lua ia aho o te vaiaho e fakalāina ai au, ma e kavatu e au mo koe te tahi vaehefulu o aku tupe uma e maua.’

Luka 18:12 ပူးပေါင်းရင်းမြစ်များ

Mataio 5:20

Auā e lea atu au ki a te koutou, e fātoā mafai oioti koutou ke hao atu ki te Mālō o te lagi, pe kāfai e hili atu te koutou fakamāoni i te tauhi ki nā Tūlāfono, i lo nā faiakoga o te Tūlāfono ma te kau Falehaio.

Mataio 6:1

“Ke mautinoa ko autou gāluega lelei, e hē faia i mua o tagata kae ke ki lātou kitea ai autou mea e fai. Kāfai e fai vēnā e koutou nā mea iēnei i mua o tagata, ka hē maua houtou taui mai te koutou Tamana i te lagi.

Mataio 6:16

“Kāfai koutou e fakalāina, koutou nā mata fakanoanoa e vē ko faiga a nā tino āmio pepelo. E hē teuteua fakalelei o lātou fōliga kae ke matea ai e tagata ko ki lātou e fakalāina. E takutino atu e au ki a te koutou, ko tēnā oioti lava to lātou taui ka maua.

Mataio 6:5

“Kāfai koutou e tatalo, ia koutou nā vē ko faiga a nā tino āmio pepelo. E fiafia oi tutū ma tatalo i loto o nā hūnako ma nā auala kae ke kitea ki lātou e tagata. E takutino atu e au ki a te koutou, ko tēnā oioti lava to lātou taui ka maua.

Mataio 9:14

Oi ōmamai ai nā hoko o Ioane te Papatiho ki a Iehu, kua fehili vē atu ki ei, “He ā te fakalāina ho ai ki mātou ma te kau Falehaio, kae ko nā hoko o koe e hē fakalāina lele?”

Luka 11:42

“Kae hāloa la koutou te kau Falehaio! E fōki e koutou mo te Atua te tahi vaehefulu o nā mea fakamanogi meakai e vē ko te mineti, te pekanona ma iētahi lākau vēnā, kae e hē fakatutuha e koutou ia tagata uma i te Tūlāfono, ma e hē alolofa koutou ki te Atua. Ko nā mea iēnei e tatau ke fai e koutou, kae hē tiakia ai iētahi mea.

Luka 17:10

E vēnā foki la koutou; kāfai e uma te koutou faia o nā mea uma na fakatonu atu ke fai, oi lea ai vē, ‘Ko ki mātou ni kaukauna hē aogā; kua fai lava e ki mātou o mātou tiute.’ ”

Loma 3:27

He ā la he mea ke fāfifia ai ki tātou? E hēai lele he mea! Aiheā? Ona nei ko ki tātou e uhitaki ki te Tūlāfono? Hēai, kae ona ko ki tātou e talitonu.

1 Kolinito 1:29

Ko tona uiga, e hēai lele he tino e tatau ke fāfia i mua o te Atua.

Kalatia 1:14

Nae hili atu toku mālamalama i te tāpuakiga Iutaia i lo te tokalahi o iētahi tino Iutaia o oku tupulaga, ma nae hili atu foki toku pipiki mau ki nā tū a o mātou tupuna.

1 Timoteo 4:8

Ko te koleni fakamālohi tino e moni e aogā, kae ko te koleni fakateagaga e tāua atu ia i nā itū uma lele, auā e mautinoa ai te maua o te ola nei, ma i te lumanaki.