Luka 17:4 - Tokelauan New Testament

⁴ Kāfai e fakafitu ona fai ni ana mea kino ki a te koe i te aho, ma lea vē atu ki a te koe i nā taimi takitahi iēnā, ‘Ko au kua halamō,’ e tatau ke fakamāgalo e koe.”

Luka 17:4 ပူးပေါင်းရင်းမြစ်များ

Mataio 18:16

Kae kāfai e hē fakalogo atu ki a te koe, kave he tino e fokotahi pe he toka lua oi olo ma koe, kae ke mafai ai ke ‘fakamāonia ia mōliga takitahi uma i te molimau a ni tino e toka lua pe toka tolu,’ e vēia oi tūhia i te tuhituhiga paia.

Mataio 18:35

Kua fakauma te tautalaga a Iehu oi lea vē atu ai, “Ka vēnā foki lava te mea e fai e toku Tamana i te lagi ki a te koutou uma tau tokatahi, kāfai e hē kē fakamāgaloa tō uho ma te loto fakamāoni.”

Mataio 5:44

Kae ko au e lea atu nei ki a te koutou: alolofa ki nā tino e fai koutou ma o lātou fili, ma tatalo mo ki lātou e fakahāuā atu ki a te koutou,

Mataio 6:12

Fakamāgalo o mātou hehē, e vē oi fakamāgalo e ki mātou ia hehē o iētahi tino ki a te ki mātou.

Luka 17:5

Kua lea atu te kau apohitolo ki te Aliki, “Fakatupu lahi ko to mātou fakatuatua.”

Loma 12:20

E lea mai foki vēia, “Kāfai nā fili o koutou e fia kakaia, fafaga; kāfai e fia inu, fakainu; auā ko te faiga tēnei ka mu ai ki lātou i te māhiahi.”