Luka 17:29 - Tokelauan New Testament

²⁹ Kae i te aho na fano kehe ai ia Lota mai Hotoma, na to ifo ai te afi ma te teiō mai te lagi e vē he ua, oi fakaumatia uma ai ki lātou.

Luka 17:29 ပူးပေါင်းရင်းမြစ်များ

Luka 17:28

E vē foki lava ko te mea na tupu i nā aho o Lota. Nae kakai pea lava ma inu ia tagata; nae fefakatauaki a lātou koloa, totō o lātou fatoaga, ma fau o lātou fale.

Luka 17:30

Ka vēnā foki lava te mea e pa ki ei, i te aho e fakakikila ai te lalolagi ki te Ataliki o te Tagata.

2 Petelu 2:6

Na fakahalagia e te Atua nā kakai ko Hotoma ma Komolo ma fakaumatiagia i te afi, ma fai ki lātou ma fakatakitakiga ki te mea e pa ki ei nā tino e hē mātataku ia te ia.

Iuta 1:7

E manatua e koutou ia Hotoma ma Komolo ma nā kakai nae pili ki ei? Nae vē foki lava nā mea nae fai e nā agelu iēnei. Nae fai e ki lātou nā uiga mātagā ma tuinanauga ki te tino e hē tuha ai ma te natula; kua pakia ki lātou i te fakahalagia i te afi e hē mate lele, ke fakamanatu ai ki tagata uma, ke nahe ki lātou faia nā uiga iēnei.

Fakaaliga 11:8

ma ka tatitia o lā tino i luga o te auala o te kakai tāua, te mea na fakahātaulo ai te Aliki. Ko te igoa tau fakaataata o te kakai tēnā ko Hotoma pe ko Aikupito.

Fakaaliga 14:10

ka feinu lava ki te uaina a te Atua, te uaina o tona tōkahā e liligi vē e hē talāgia ki loto o te ipu o tona ita. Ko ki lātou uma e faia te mea tēnei, ka fakatīgāina i te afi ma te teiō, i mua o nā agelu paia ma te Punuamāmoe.

Fakaaliga 19:20

Kua puke fakapagotā te manu fekai fakatahi ma te kau pelofeta pepelo nae ki lātou faia ni vāvega mo te manu fekai. (Ko nā vāvega iēnei te na ia fakahehēa ai ki lātou kua i ei te fakailoga a te manu fekai, ma ki lātou nae ifo ki nā fakatuha o te manu fekai.) Ko te manu fekai ma te kau pelofeta pepelo kua togi ola ki loto o te vaitūloto o te afi mumū ma te teiō.