Luka 17:2 - Tokelauan New Testament

² E hili atu mo te tino tēnā pe kāfai e nonoa he fatupae lahi lele ki tona ua ma togi ai ki te tai, i lo te fai e ia o he mea ke uma ai te fakatuatua mai ki a te au, o hētahi o ki lātou iēnei e tamaiti.

Luka 17:2 ပူးပေါင်းရင်းမြစ်များ

Mataio 17:27

Ka ko ki tātou e hē fofou ke fai he mea ke ita ai nā tino iēnei. Ko te mea ia, fano ki te vaitūloto oi lalafo ai tō uka. Ko tau ika muamua lava e hi, ka maua e koe i loto o te gutu he tupe hiliva e lava ke totogi ai taku lāfoga mo te Mālumalu vēnā ma tau lāfoga. Kave oi totogi ai a tā lāfoga.”

Mataio 18:10

“Tautuanā ma koutou ke nahe koutou taku fakatauva lele hētahi o ki lātou iēnei e tamaiti; auā e lea atu au ki a te koutou, ko a lātou agelu e i ei pea lava i te mea e i ei ai toku Tamana i te lagi.

Mataio 18:14

E vēnā foki lava oi hē fofou te koutou Tamana i te lagi ke galo hētahi o ki lātou nei e tamaiti.

Mataio 26:24

Ko te Ataliki o te Tagata e oti lava e vē oi lea mai ai nā Tuhituhiga Paia, kae hāloa la te tino e ia fakalatagia te Ataliki o te Tagata. Na hili lele atu mo te tino tēnā, anei ake e hēki fānau mai ki te lalolagi”

Maleko 9:42

“Ko ai lava he tino e ia faia he mea ke uma ai te fakatuatua mai ki a te au o hētahi o ki lātou iēnei e tamaiti, e hili ai mo te tino tēnā te nonoa o he fatupae lahi lele ki tona ua, ma togi ai ki te tai.

Ioane 21:15

Kua uma te lātou kakai, oi fehili atu ai ia Iehu ki a Petelu, “Himona te ataliki o Ioane, e hili nei tō alofa mai ki a te au i lo ki lātou iēnei?” Kua tali mai ia Petelu, “Io, te Aliki, e iloa lava e koe ko au e alofa atu ki a te koe.” Kua vāgana atu ia Iehu, “Tauhi aku punuamāmoe.”

1 Kolinito 9:15

Kae e hēki kō fakaaogāgia lele nā aiātatau iēnei, ma ko au foki e hē tuhi atu kae ke maua ai e au. E hili atu ai toku oti, i lo te kave kehea e he tino o te mea e fāfia ai au.

1 Kolinito 9:22

I te mea e i ei nā tino e vāivai to lātou fakatuatua, ko au foki e vāivai e vē ko ki lātou, kae ke kō maua ai ki lātou. Oi e fai la e au ho he mea e kō mafaia, kae ke mafai ai oi fakaola ni tino o ki lātou.