Luka 17:14 - Tokelauan New Testament

¹⁴ Kua kitea atu ki lātou e Iehu, oi lea vē atu ai ki ei, “Olo la oi fakaali outou tino ki nā ohitāulaga.” I te taimi na olo ai, na mālōlō ai lava.

Luka 17:14 ပူးပေါင်းရင်းမြစ်များ

Mataio 3:15

Kae kua tali mai ia Iehu, “Fai vēia ko mo te taimi nei, kae ke fakatino ai nā mea uma kua finagalo ki ei te Atua.” Oi malie ai ki ei ia Ioane.

Luka 5:14

Oi fakatonu ai vēnei e Iehu te tamāloa, “Ko koe e hē lea ki he tino, kae fano oi fakaali tō tino ki he ohitāulaga; ma ofo atu ai he tāulaga mo te fakamamāgia o koe, e vē ona fakatonu mai e Mohe, ke fai ma fakamāoniga ki tagata ko koe kua mamā.”

Ioane 11:10

Kae ko nā tino e havavali i te pō e tūhigahiga, auā ko te mālamalama e hē i loto o ki lātou.”

Ioane 2:5

Oi lea ai te mātua o Iehu ki nā kaukauna nae ki lātou fakahoahoa te uaina, kua vē atu, “Ho he mea lava e lea atu ia Iehu ke fai, oi fai.”

Ioane 9:7

ma lea vē atu ki ei, “Fano la oi fufulu ō mata i te Vaitākele ko Hiloma.” (“Ko te uiga o te kupu ‘Hiloma’ ko te ‘Uga’ ”) Oi fano ai te tamāloa kua fufulu ona mata, ma e liliu mai, kua kitea e ona mata.