Luka 16:25 - Tokelauan New Testament

²⁵ “Kae kua lea vē atu ia Apelaamo, ‘Toku ataliki, e manatua e koe, i tō ōlaga kātoa, na maua e koe nā mea lelei uma lele, kae maua e Lahalo nā mea e kino. Kae nei, kua fiafia ia Lahalo i kinei, kae maua koe i nā tīgā.

Luka 16:25 ပူးပေါင်းရင်းမြစ်များ

Mataio 27:63

ma lea vē ki ei, “Te kōvana, e ki mātou manatua ka koi ola tēnā tino talapepelo, na fai tana kupu vēia, ‘Ko au ka toe fakatū mai i te oti, kāfai e teka nā aho e tolu.’

Maleko 9:45

Ma kāfai ko tō vae te māfua ai oi uma tō fakatuatua, tipi kehe! E hili atu tō hao ki te ola e hē gata kae vae tahi, i lo te kātoa o nā vae kae togi ai koe ki kēna.

Luka 16:20

Ma nae i te faitotoka ki tona fale he tino mativa e igoa ki a Lahalo, nae papala kātoa tona tino,

Luka 16:23

ma i loto o Heoli, te nofoaga kua maua ai ia i te pagātia, kua kikila ake ki luga oi ia kitea mamao atu ai ia Apelaamo, ma Lahalo e i tētahi ona itū.

Luka 16:26

E hē gata i tēnā, kua i ei te vanu loloto kua i to tātou va, kae ke nahe mafai ai ni tino e fia oatu mai kinei ki kinā, pe ni tino mai kinā e fia ōmamai ki kinei.’

Luka 6:24

Kae hāloa la koutou iēnā e maukoloa nei; auā kua uma te koutou mauagia o te ōlaga fīlēmū!

Ioane 16:33

Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

Loma 8:7

Auā ko te māfaufau e pūlea e te natula fakatetagata, e teteke ki te Atua. E hē mafai ke uhitaki ki te tūlāfono a te Atua, e matuā hē mafai lava.

Filipi 3:19

Ko te ikuga o nā tino iēnei e fakaumatiagia, auā kua atua ki lātou ki o lātou manakoga fakatetino. E fāfifia i nā mea e tatau ke māhiahi ai, ma e māfaufau oioti lava ki nā mea o te lalolagi.

1 Tehalonia 3:3

kae nahe i ei he tino o koutou e toe holomuli ona ko nā fakahāuāga. E iloa lelei lava e koutou ko nā fakahāuāga ko he vāega lava tēnā o te finagalo o te Atua mo ki tātou.

Epelu 11:25

Na fiafia lava ia ke puapuagā fakatahi ma tagata o te Atua, i lo te fiafia oi fai te agahala mo hina taimi.

1 Ioane 2:15

Koutou nahe alolofa ki te lalolagi pe ko nā mea o te lalolagi. Kāfai koutou e alolofa ki te lalolagi, ko koutou la e hē alolofa ki te Tamana.

Fakaaliga 7:14

Kua lea vē atu au ki ei, “Te aliki, e hē kō iloa kae e kē iloa.” Oi lea mai ai ki a te au, “Ko nā tino iēnei kua hao mai i nā puapuagā e lahi. Kua uma te ufi e ki lātou o lātou kofu, ma fakapaepae i te toto o te Punuamāmoe.