Luka 16:23 - Tokelauan New Testament

²³ ma i loto o Heoli, te nofoaga kua maua ai ia i te pagātia, kua kikila ake ki luga oi ia kitea mamao atu ai ia Apelaamo, ma Lahalo e i tētahi ona itū.

Luka 16:23 ပူးပေါင်းရင်းမြစ်များ

Mataio 11:23

Ma ko koe Kapenaumi, nae i ei nei hō manatu ko koe e mafai ke hiki ake ki luga ki te lagi? Ko koe ka togi ki lalo ki Heoli. Anei ake nā vāvega nae fai i loto o koe na fai i Hotoma, e vēnei ake koi tūmau lava ia Hotoma ke pa mai ki te aho nei.

Mataio 18:9

Kāfai foki ko tō mata te māfua ai oi agahala koe, hali kehe oi tīaki! E hili atu tō hao ki te ola e hē gata kae mata tahi, i lo te kātoa ona mata kae togi ai koe ki loto o te afi o kēna.

Mataio 23:33

Koutou nā gata ma fānau a gata! E vēhea nei ona fakahao koutou mai te afi o kēna.

Mataio 5:22

Kae ko au e lea atu nei ki a te koutou, ko ai lava e ita ki tona uho, ka kave ki te fakamahinoga; ko ai lava e lea vē ki tona uho, ‘E hēai hō aogā!’ ka kave ki te Taupulega, ma ko ai lava e taku e ia tona uho ko he mea valea, e ono togi ki loto o te afi o kēna.

Mataio 5:29

Ko te mea ia, kāfai ko tō mata taumatau te māfua ai oi agahala koe, gape kehe oi tīaki. E hili atu te māumau o hō itūtino i lo te togi o tō tino kātoa ki kēna.

Mataio 8:29

Ko te taimi lava na kitea ai e ki lāua ia Iehu, oi taukalalaga vē atu ai ki ei, “E, te Ataliki o te Atua, he ā ko ta koe e fai mai ki a te ki māua? Ko koe kua hau ke fakahāuā mai ki a te ki māua ka ko hēki pa ki te taimi e tatau ai?”

Luka 16:24

Oi kalaga atu ai vē, ‘Toku tamana e, Apelaamo! Alofa mai ko. Uga mai ko ia Lahalo ke lolō tona muamuālima ki ni vai, ma fakamālū ake ai toku laulaufaiva, auā ko au nei kua tīgāina i te mumū o te afi tēnei!’

Luka 16:28

auā e toka lima oku uho — ke fakailoa ki ei kae ke nahe ōmamai ai ki te nofoaga tēnei o puapuagā.’

Luka 8:28

I te ia kitea atuga o Iehu, oi kekē lahi ai kae fakapakū ki tafa o ona vae, ma taukalaga vē, “Iehu, te Ataliki o te Atua Hilihilikehe! He ā ko ta koe e fai mai ki a te au? Ko au e fakatagi atu ke nahe kē fakahāuā mai ko ki a te au!”

1 Kolinito 15:55

“Te Oti, tēfea tō manumālō? Te Oti, tēfea tō mālohi e fakaogohia ai?”

2 Petelu 2:4

E hēki fakahaoa e te Atua nā agelu na agahala, kae na togi ki heoli, te mea e noanoa ai i nā filifili i te pōgihā, ma fakatalitali ai mo te Aho Fakamahino.

Fakaaliga 20:10

Oi togi ai te Tiāpolo, tē nae ia fakahehēa ki lātou, ki loto o te vaitūloto o te afi ma te teiō, te mea kua uma te togi ki loto te manu fekai ma nā pelofeta pepelo; ma ka fakatīgāina ai pea ki lātou i kinā i te pō ma te ao, ke pa lava ki te fakavavau fakavavau lava.