Luka 16:19 - Tokelauan New Testament

¹⁹ “Nae i ei he tamāloa maukoloa nae kofu i nā lākei e pito hili te taugatā ma kai i nā meakai e pito hili te lelei, i aho uma.

Luka 16:19 ပူးပေါင်းရင်းမြစ်များ

Maleko 15:17

Oi fakakofu ai e ki lātou ia Iehu i he kofu tatao lanu violē ma fai he pale i nā lālā o he lākau tālatala, oi fakapale ai tona ulu.

Maleko 15:20

Kua uma te fai o a lātou mea fakatauemu ki a Iehu, oi toe ui kehe ai e ki lātou te kofu tatao lanu violē na ki lātou fakakofua ai, kae toe fakakofu lava i ona kofu. Oi takitaki ai e ki lātou ki fafo ke fakahātaulo.

Luka 15:13

Kua teka atu ni nai aho, oi fakaputu uma ai e te kimuli ana mea, ma faimalaga atu ai ki he fenua mamao. Na ola i kinā, i he ōlaga hē taupulea, ma fakamāumau ai e ia ana tupe.

Luka 16:1

Kua vāgana atu ia Iehu ki ona hoko, “E i ei he tino maukoloa nae i ei hana kaukauna nae pule i te kikilaga o ana meatōtino. Kua logotala te tino maukoloa, ko ana tupe e fakamāumau e tana kaukauna pule.

Luka 16:18

“Ho he tamāloa e tatala e ia tana āvaga kae fakaipoipo ki hētahi fafine, kua agahala ia i te mulilua; ma ko te tamāloa e fakaipoipo ki he fafine kua tatala tana āvaga, kua agahala ia i te mulilua.

Luka 16:20

Ma nae i te faitotoka ki tona fale he tino mativa e igoa ki a Lahalo, nae papala kātoa tona tino,

Fakaaliga 17:4

Ko te fafine e kofu i he kofu violē kukula mālohi ma e teuteu tona tino i nā mea aulo, nā fatu mānanaia taugatā, ma nā pēnina. E i tona lima he ipu aulo e tumu i nā mea kino ma te hē mamā na maua e ia e ala i ona tuinanauga ki te tino.

Fakaaliga 18:16

ma lea vē, “Oi hāloa! Oi hāloa! Te kakai takutakua! Te kakai takutakua nae māhani kofu i nā kofu e fai i te kie vavae lanu violē ma kukula mālohi, ma teuteu tona tino i nā mea e fai i te aulo, nā fatu mānanaia ma te taugatā, ma nā pēnina!

Fakaaliga 18:7

Fai ni mea e lahi ke tīgāina ma fakanoanoa ai ia, ke vē foki lava ko te lahi o tona fāfia ki tona tamaokāiga. Auā e lea vē ifo lava ki a te ia i tona loto, ‘Ko au he tupu fafine e nofo i kinei i toku nofoāliki! Ko au e hē ko he fafine kua oti tana tāne! Ka hē maua lele au i te fakanoanoa!’