Luka 15:4 - Tokelauan New Testament

⁴ “Ko ai he tino o koutou e i ei ni ana māmoe e helau, ma kāfai e galo hētahi o ki lātou, e hē ia tukua iētahi māmoe e ivahefulu iva i te vao, kae fano oi hakili te māmoe e fokotahi e galo, ke maua?

Luka 15:4 ပူးပေါင်းရင်းမြစ်များ

Mataio 12:11

Kua tali mai ia Iehu, “E vēhea kāfai he tino o koutou e i ei hana māmoe e pakū ki loto o he lua loloto i te Hāpati? Ka hē tago atu nei koe ki ei oi kavake ki luga!

Luka 13:15

Oi tali atu ai te Aliki ki ei, “Ko koutou ni tagata āmio pepelo! E hē tatalā moni nei e he tino o koutou tana povi, pe ko tana āhini mai te falemanu i te Hāpati, ma takitaki kehe ke fakainu?

Luka 15:3

Oi fai ai e Iehu te talafakatuha tēnei ki a te ki lātou:

Luka 19:10

Ko te Ataliki o te Tagata na hau ke hakili, ma ke fakaola nā tino kua gagalo.”

Loma 2:1

E fakamahino atu nei koe ki iētahi tino? Te uho, e tuha lava pe ko ai koe, e hēai lele he mea e tatau ai ke fai e koe he mea vēnā. Auā kāfai e fakamahino atu koe ki iētahi tino, kae toe fai foki lava e koe nā mea e ki lātou faia, ko tona uiga kua fakahalagia ia koe e koe lava.

1 Petelu 2:25

Auā ko koutou nae vē ni māmoe na gagalo, kae nei kua toe kaumai koutou ke mulimuli ki te Leoleomāmoe, tē e kikilagia ma puipuia nā mea uma e lelei i loto ia te koutou.