Luka 15:28 - Tokelauan New Testament

²⁸ “Kua ita lahi lele te ulumatua, ma kua muhu oi fano ki loto o te fale; oi hau ai ki fafo tona tamana, oi tauanau ke fanake ki lotofale.

Luka 15:28 ပူးပေါင်းရင်းမြစ်များ

Mataio 20:11

Kua kave o lātou totogi ka kua kāmata oi mūimui e ki lātou te faitōvine.

Maleko 1:40

Oi hau ai he lēpela ki a Iehu, kua tōtuli i mua o ia ma fakatagi ki ei mo he fehoahoani. Kua lea vē atu ki a te ia, “Kāfai koe e loto ki ei, e kē mafaia oi fakamamā au.”

Luka 13:34

“Ieluhalema, Ieluhalema! Kua tāmate e koe nā pelofeta ma fetogi nā kavefekau kua uga atu e te Atua ki a te koe! E lahi lele nā taimi na fia ōpoipoi mai ai i oku lima au fānau, e vē oi fakamāopoopo mai e te kaumatua moa tana ōfaga ki lalo o ona kapahau, kae ko koutou e mumuhu!

Luka 15:2

ma kua kāmata oi mūimui te kau Falehaio ma nā faiakoga o te Tūlāfono, “Ko te tagata nei e talia e ia nā tino inohia, ma kakai fakatahi ma ki lātou!”

Luka 15:27

Kua tali atu te kaukauna, ‘Ko tō uho kua toe foki mai, ma kua tāmate e tō tamana te punuapovi peti, auā kua toe foki mai tona ataliki ma te haogalēmū.’

Luka 15:29

Kae kua tali vē atu ki tona tamana, ‘Kikila ki nā tauhaga e lahi nae galue ai au mo koe e vē he pologa, ma e hēki i ei lele hau fakatonuga e fokotahi e hēki uhitaki au ki ei. Kae he ā nei ta aku na kua kē fōki maia? E hēai he mea. Kae ke fōki mai foki la he oti ke fai ai haku kaiga ma aku uō!

Luka 24:47

ma ka tālaki atu e ala i tona igoa, te fekau e uiga ki te halamō ma te fakamāgaloga o agahala, ki nā nuku uma, e kāmata atu i Ieluhalema.

Luka 5:30

Ko iētahi o te kau Falehaio ma iētahi o faiakoga o te Tūlāfono, kua faitio ki ona hoko. Kua lea vē atu ki ei, “He ā te kakai ma inu fakatahi ai koutou ma nā aolāfoga ma iētahi tino inohia?”

Luka 7:39

I te kitea atuga e te Falehaio o te mea tēnei, oi lea vē ifo ai i tona loto, “Kāfai e moni ko te tagata tēnei he pelofeta, kua tatau ke ia iloa pe ko ai te fafine tēnei, kae pe he itūkāigā fafine vēhea foki tēia e pa ake ki a te ia; kua tatau ke ia iloa ko te fafine e ola i he ōlaga agahala!”

Gāluega 13:45

I te kitea atuga e nā tino Iutaia te kaifenua tokalahi, oi fakatumulia ai ki lātou i te lotokino; kua taku pepelogia e ki lātou nā mea e lea ai Paulo, ma faikupu kino ki ei.

Gāluega 13:50

Kae kua fakakupu e nā tino Iutaia nā takitaki o te kakai ma nā fafine nukukehe fakaaloalogia kua talitonu ki te Atua, ke teteke mālohi ki a Paulo ma Panapa, ma ke tuli kehe mai to lātou pitonuku.

Gāluega 14:19

E i ei ni tino Iutaia na ōmamai mai Anitioka i Pihitia ma Ikononu; na ki lātou mafaia oi tataki ia manatu o te kaifenua ke kau ake ki a te ki lātou. Na fetogi e ki lātou ia Paulo i nā fatu ma toho ki fafo o te kakai, ma to lātou manatu lava ko Paulo kua mate.

Gāluega 14:2

Kae ko tagata Iutaia e hēki mafai ke talitonu, ma kua fakakino e ki lātou ia loto o tagata nukukehe, kae ke teteke atu ai ki lātou ki nā tino kua talitonu.

Loma 10:19

Ko au e toe fehili: Ko tagata nei o Ihalaelu e hēki mālamalama? Na tali lava e Mohe te fehili tēnei i te leaga e uiga ki te vāgana a te Atua e vē: “Ka fakaaogā e au nā tino o mālō hē taulia ke fakatupu ai te lotokino ki oku tagata; ma e ala i nā mālō o tagata vālea ka fakatupu ai e au te ita ki oku tagata.”

2 Kolinito 5:20

Ko ki mātou la na uga mai ke tautatala mo Keliho, ma ko te Atua e fakatagi atu ko koutou ke fakalogo ki ta mātou fekau. Ko ki mātou e tautatala i te igoa o Keliho ma aioi atu i te agaga moni, ke fakalelei ko te koutou va ma te Atua.

1 Tehalonia 2:16

Na taumafai foki ki lātou ke tāofi ki mātou mai te tālakiga o te fekau ki tagata nukukehe, te fekau e maua ai e ki lātou te fakaolataga. Ona ko a lātou faiga iēnei, kua kātoatoa lelei ai lava nā agahala uma lele e ki lātou faia pea lava. Ma i te taimi nei, ko te tōkahā o te Atua kua pakū ki o lātou luga.