Luka 15:27 - Tokelauan New Testament

²⁷ Kua tali atu te kaukauna, ‘Ko tō uho kua toe foki mai, ma kua tāmate e tō tamana te punuapovi peti, auā kua toe foki mai tona ataliki ma te haogalēmū.’

Luka 15:27 ပူးပေါင်းရင်းမြစ်များ

Mataio 22:4

Oi uga ai iētahi kaukauna ma te faifekau tēnei ki te kau valakaulia: ‘Kua uma te tāpena o taku kaiga, kua tāmate aku povi poa ma nā punuapovi pepeti. Ōmamai la ki te kaiga o te fakaipoipoga kua uma te hāunia.’

Luka 15:26

Oi kalaga ai ki tētahi kaukauna ke fanake ma fehili ai ki ei pe ko he ā te fai.

Luka 15:28

“Kua ita lahi lele te ulumatua, ma kua muhu oi fano ki loto o te fale; oi hau ai ki fafo tona tamana, oi tauanau ke fanake ki lotofale.

Luka 15:30

Ka ko tō ataliki tēnei na ia fakamāumaua au mea ki nā fafine talitāne, kua tāmate e koe he punuapovi peti mo ia!’

Gāluega 22:13

Na hau ki a te au, oi tū mai i oku tafa kae lea vē mai, ‘Haulo toku uho, pupula loa ō mata!’ Ko te taimi lava tēnā na toe pupula ai oku mata, ma na kikila ai au ki a te ia.

Gāluega 9:17

Oi fano ai loa ia Anania, kua ulu atu ki te fale nae i ei ia Haulo, ma fakaeke ona lima ki luga o Haulo ma lea vē atu ki ei, “Haulo toku taina, ko au kua uga mai e te Aliki ko Iehu. Ko ia te na fakaali atu ki a te koe i te auala ka kua tāli pa mai koe ki kinei. Na ia uga maia au kae ke mafai ke toe kikila ō mata ma ke fakatumugia koe i te Agaga Paia.”

Filemoni 1:16

I te taimi nei la, ko Onehimahi e hē nā ko he pologa, kae e hili atu lele ia i lo he pologa: ko ia ko he uho pele ia Keliho. Kai au te alofa ko ki ei! Kae e vēhea ake nei la te lahi lele atu o tō alofa ki ei, e hē gata ona ko he pologa kae i tētahi itū, ko he uho foki e ala i te Aliki!