Luka 14:32 - Tokelauan New Testament

³² Kāfai e fuafua e ia e hē ia mafai, ka uga e ia nā kavefekau ki tētahi tupu ka koi mamao lele, mo he māliliega ke tauhi ai te fīlēmū.

Luka 14:32 ပူးပေါင်းရင်းမြစ်များ

Mataio 5:25

“Kāfai he tino e fai hana tagi ma mōlia koe ki te fakamahinoga, teuteu vave te koulua va koi i ei he taimi ka ko hēki pa koulua ki mua o te fakamahinoga. Auā e pa loa koulua ki ei, oi ka tuku atu ai loa koe e ia ki te fakamahino, oi tuku atu ai koe ki leoleo, oi togi ai koe ki loto o te falepuipui.

Mataio 5:42

Kāfai he tino e gogō atu ki hau mea, fōki ki ei; kāfai he tino e fia fakaaogā e ia hau mea, fōki ke fakaaogā e ia.

Luka 12:58

Kāfai he tino e fai hana tagi ma mōlia koe ki te fakamahinoga, taumafai ke fakalelei te fekehekeheakiga i toulua va, ka ko hēki pa koulua ki te fakamahinoga. Auā kāfai e hē faia e koe te mea tēnei, ka toho koe e ia ki te fakamahino, oi tuku atu ai koe e te fakamahino ki leoleo, oi togi ai koe ki loto o te falepuipui.

Luka 14:31

“Kāfai he tupu ma hana vaegākau e toka hefulu afe, e hiki taua ki hētahi tupu e i ei hana vaegākau e toka luahefulu afe, ka hē nofo ifo muamua nei ki lalo ma fuafua pe lava tona mālohi ke fakafetaui ai te tupu e toka luahefulu afe tana vaegākau?

Luka 14:33

E vēnā foki lava ona hē mafai e he tino o koutou ke kavea ma oku hoko, vaganā e ia tiakia ana mea uma lele.

Luka 19:14

Kae ko nā tino o tona fenua nae inoino lele ki ei, ma na uga atu ai e ki lātou he kavefekau ke mulimuli ki a te ia, ma ke lea vē, ‘Ko ki mātou e hē fofou ke fai te tagata tēnei ma o mātou tupu.’

Gāluega 12:20

Na matuā ita lahi lele ia Helota ki tagata o Tulo ma Haitonu, ko te mea ia na olo fakatahi ai na hui mai nā nuku iēnei oi kikila ia Helota. Na ki lātou mua fakakupua ia Palahito, te kaukauna pule i te fale o te tupu, ke fehoahoani ake ki a te ki lātou. Oi olo ai ki a Helota ma fakatagi ki ei mo he fīlēmū, auā ko nā meakai a o lātou nuku e maua mai i te fenua e pule ai te tupu.