Luka 14:15 - Tokelauan New Testament

¹⁵ I te lagona atuga o te mea tēnei e hētahi o nā tino nae i te laulau fakatahi ma Iehu, oi lea vē atu ai ki a Iehu, “Amutia nā tino ka nonofo ki lalo oi kakai i te kaiga i te Mālō o te Atua!”

Luka 14:15 ပူးပေါင်းရင်းမြစ်များ

Mataio 25:10

Oi olo ai nā tautiti vālelea oi fakatau mai a lātou huāū; ma i te taimi tēnā na olo ai, kae taunuku mai loa te tama fakaipoipo. Ko nā tautiti e toka lima nae nofo hāuni, kua olo ma ia ki loto ki te kaiga o te fakaipoipoga ma na tapuni ai loa te faitotoka.

Mataio 8:11

E lea atu au ki a te koutou, e tokalahi ki lātou ka ōmamai mai hahae ma hihifo oi nonofo fakatahi ki lalo ma Apelaamo, Ihaako ma Iakopo i te kaiga lahi i te Mālō o te lagi.

Luka 12:37

Amutia nā kaukauna e maua mai e to lātou matai, e āla ma hāuni ki tona toe foki mai! E lea atu au ki a te koutou, ka ia ui keheagia tona kofulahi ma fakanonofo ki luga nā kaukauna, oi laulau ai e ia he lātou mea ke kai.

Luka 13:29

Ma ka ōmamai nā tino mai hahae ma hihifo, mai mātū ma toga, oi nonofo ki lalo i te kaiga lahi i te Mālō o te Atua.

Luka 22:16

Auā e lea atu au ki a te koutou, ka hē toe kai lele au ki ei, ke pa ki tona fakatinoga kātoatoa i te Mālō o te Atua.”

Luka 22:30

kae ke mafai ai koutou ke kakai ma inu fakatahi ma au i toku Mālō, ma nonofo i luga o nā nofoāliki, ke pūlea ai e koutou nā puikāiga e hefululua o Ihalaelu.

Fakaaliga 19:9

Oi lea mai ai te agelu ki a te au, “Tuhi te mea tēnei ki lalo: Amutia ki lātou kua uma te valakaulia ki te kaiga o te fakaipoipoga a te Punuamāmoe.” Kua toe lea mai vē te agelu, “Ko nā kupu moni iēnei a te Atua.”