Luka 14:13 - Tokelauan New Testament

¹³ Kae kāfai e fai hau kaiga, valakaulia nā tino mātitiva, nā pipili, nā tino e hē kātoatoa nā itūtino, ma nā tino tāuaho;

Luka 14:13 ပူးပေါင်းရင်းမြစ်များ

Mataio 15:30

Kua ōmamai ki a te ia te tokalahi o te kaifenua, ma kaumai nā pipili, nā tāuaho, nā tino e hē kātoatoa te mālohi, nā gūgū ma te tokalahi o nā tino tauale, kua fakanonofo tafapili ki a Iehu; oi fakamālōlō ai ki lātou uma e ia.

Mataio 22:10

Oi olo ai nā kaukauna ki nā auala, ma fakapotopoto mai nā tino uma lele na fetaui ki lātou, nā tino lelei ma nā tino kino; ma na fakatumulia ai e tagata, te fale na fai ai te kaiga.

Luka 11:41

Kae fōki nā mea i loto o nā iputi ma nā ipukai a koutou ma nā tino mātitiva, oi ka fakamamāgia ai nā mea uma mo koutou.

Luka 14:12

Oi vāgana atu ai foki ia Iehu ki te tino na ia valakauagia ia, “Kāfai e fai hau kaiga o te aoauli, pe he kaiga o te afiafi, nahe valakauliagia nā uō a koe, pe ko nā taina o koe, pe ko nā tino o tō kāiga, pe ko nā tuākoi maukoloa o koe — auā ka ki lātou valakauliagia foki koe, ma i te faiga tēnei, ka toe totogi atu ai lava tau mea na fai.

Luka 14:14

oi fakamanuia ai koe, auā e hē ki lātou mafaia oi toe totogi atu koe. Ko koe ka totogi atu e te Atua i te aho e ia toe fakatutūa ai mai te oti, nā tino nae āmiotonu.”

Luka 14:21

“Oi toe foki ai te kaukauna oi taku ki tona matai nā mea uma iēnā. Kua ita lele tona matai, oi lea vē atu ai ki tana kaukauna, ‘Fano vave nei loa ki nā auala lalahi ma nā tamā auala o te kakai, oi kaumai nā tino mātitiva, nā pipili, nā tāuaho ma nā tino e hē kātoatoa nā itūtino.’

Gāluega 9:39

Na hāuni ai loa ia Petelu ma na olo ai ma ki lāua. Na pa atu lava ia Petelu oi kave ai e ki lātou ki te potu i te falealuga. I kinā na hiko fakatāmilo ai ia e fafine uma kua feoti a lātou tāne; e faitatagi lava ma fakahino ki ei nā kofutino ma nā kofutatao na hui e Toka ka koi ola ai.

1 Timoteo 3:2

Ko he takitaki o he Ekalehia e tatau ke nahe i ei hona hehē; e tatau ke fokotahi oioti tana āvaga, ke fai fuafua lelei ona uiga, ke ola pūlea ma āmio mamalu; e tatau ke talia e ia ni tino kehe i tona fale, ma lelei i te akoako atu;

1 Timoteo 5:10

ma e tatau ke i ei he fakamāoniga o ana gāluega lelei nae fai: he fafine nae tauhi lelei ki tana fānau, nae talia e ia ni tino kehe ki tona fale, nae faia ni gāluega ma te loto maulalo mo iētahi tagata Kelihiano, nae fehoahoani ki nā tino puapuagātia, ma nae tuku tahi tona loto ki te faiga o nā gāluega e lelei.

Tito 1:8

Kae ke loto alofa ki nā tino kehe, ma fiafia oi fai nā mea lelei. E tatau ko he tino e pūlea tona loto, e fai mea tonu, e āmio paia, ma e lava te onohai.

Filemoni 1:7

Auā ko tō alofa, te uho pele, kua maua ai e au te fiafia lahi ma kua toe fakamālohi ātili mai ki a te au! Kua kē fakafiafiagia ia loto o tagata uma o te Atua.

Epelu 13:2

Ke mautinoa e talia e koutou nā tino kehe ki loto o outou fale. E i ei nā tino na ki lātou faia te mea tēnei ma ki lātou talia ni agelu, kae hē ki lātou iloa.