Luka 13:34 - Tokelauan New Testament

³⁴ “Ieluhalema, Ieluhalema! Kua tāmate e koe nā pelofeta ma fetogi nā kavefekau kua uga atu e te Atua ki a te koe! E lahi lele nā taimi na fia ōpoipoi mai ai i oku lima au fānau, e vē oi fakamāopoopo mai e te kaumatua moa tana ōfaga ki lalo o ona kapahau, kae ko koutou e mumuhu!

Luka 13:34 ပူးပေါင်းရင်းမြစ်များ

Mataio 22:3

Kua uga atu e ia ana kaukauna ke logo te kau valakaulia ke ōmamai ki te kaiga; kae kua hē fia ōmamai ki lātou.

Mataio 22:6

ka ko iētahi kua puke e ki lātou nā kaukauna, kua kini ma tāmate.

Luka 15:28

“Kua ita lahi lele te ulumatua, ma kua muhu oi fano ki loto o te fale; oi hau ai ki fafo tona tamana, oi tauanau ke fanake ki lotofale.

Luka 19:44

Ka ki lātou tuki momoia koe ki lalo, ko koe ma au fānau i loto i ō pa; ka hēai he fatu e fokotahi e ki lātou fakatotoea i luga o he tahi fatu, auā e hēki iloa e koe te taimi na āhiāhi mai ai te Atua, ke laveaki koe!”

Luka 23:28

Kua liliu atu ia Iehu ki a te ki lātou ma lea vē atu ki ei, “Tamafafine e o Ieluhalema! Koutou nahe faitatagi mo au, kae faitatagi mo koutou lava ma autou fānau.

Gāluega 7:52

Na kua i ei nei he pelofeta e hēki fakahāuā ki ei outou tupuna? Na ki lātou tāmatea nā kavefekau a te Atua iē na ki lātou folafola maia i nā aho kua loa, te haele mai o tana Kaukauna āmiotonu. Kae nei, kua fakalatagia ma tāmate e koutou.

Gāluega 7:59

Ka koi fai lava te lātou gāluega ko te fetogiga o Hetefano, ka kua fai te tatalo a Hetefano, “Iehu te Aliki, talia mai ko toku agaga!”

Gāluega 8:1

Ma na fiafia ia Haulo i te tāmatega o Hetefano Ko te aho lava tēnā na kāmata ai oi maua ia tagata o te Ekalehia i Ieluhalema i nā fakahāuāga kino. Ma na takape ai ki lātou ki nā kogāfenua uma o Iutea ma Hāmālia, kae vāganā ai te kau apohitolo.

Fakaaliga 11:8

ma ka tatitia o lā tino i luga o te auala o te kakai tāua, te mea na fakahātaulo ai te Aliki. Ko te igoa tau fakaataata o te kakai tēnā ko Hotoma pe ko Aikupito.