Luka 13:33 - Tokelauan New Testament

³³ Kae e tatau lava ke fakaauau taku malaga i te aho nei, taeao, ma te aho e hohoko mai; auā e hē tatau ke tāmate he pelofeta i hētahi mea, vaganā ai i Ieluhalema.

Luka 13:33 ပူးပေါင်းရင်းမြစ်များ

Mataio 20:18

Kua lea vēnei atu ki a te ki lātou, “Kikila, ko ki tātou e olo ki Ieluhalema. Ko kinā ka tukulima atu ai te Ataliki o te Tagata ki te pule a nā ohitāulaga hili ma nā faiakoga o te Tūlāfono. Ka ki lātou fakahalagia ia i te oti,

Mataio 21:11

“Ko te pelofeta tēnei ko Iehu, mai Nahaleta i Kalilaia,” kua tali vē mai te kaifenua na ōmamai fakatahi ma Iehu.

Luka 9:53

Kae kua hē talia e nā tino i kinā ia Iehu, ona kua ki lātou iloa, ko tana malaga e fakatū agai ki Ieluhalema.

Ioane 11:54

Ko te mea ia na hēki toe feoaki ai ia Iehu i nā mea e kitea ai ia e nā tino Iutaia, kae kua fano ki he mea e pili ki te togāvao, ki te kakai e igoa ki a Efalaima, ma na nonofo ai i kinā ma ona hoko.

Ioane 11:9

Kua tali atu ia Iehu, “E hē luahefulu fa nei ia itūlā o te aho? Ko nā tino e havavali i te ao e hē tūhigahiga, auā e ki lātou kitea te mālamalama o te lalolagi tēnei.

Ioane 12:35

Kua tali atu ia Iehu, “Ko te mālamalama ka i ei fakatahi ma koutou mo hina taimi. Havavali loa ka koi i ei fakatahi te mālamalama ma koutou, kae ke nahe maua koutou i te pōuli; auā ko te tino e havali i te pōuli, e hē ia iloa te mea e fano ia ki ei.

Ioane 4:34

Kua lea atu ia Iehu ki a te ki lātou, “Ko taku meakai, ko te uhitaki ki te mea e fofou ki ei te Atua, ma te fakataunukuga o te gāluega na ia tuku maia ki a te au ke fai.

Ioane 9:4

E tatau ke fai pea lava e ki tātou te gāluega a tē na ia uga maia au meamanū koi ao; e pa mai loa te pō, e hēai he tino e mafai ke galue.

Gāluega 10:38

Kua koutou iloa te tala ki a Iehu te Nahaleta, i te liligi ifoga e te Atua ki ona luga te Agaga Paia ma te mana. Na fano ki nā koga kehekehe, ma ia faia nā gāluega lelei ma fakamālōlō ki lātou nae i lalo o te pule a te Tiāpolo, ona nae fakatahi te Atua ma ia.

Gāluega 13:27

Auā e hēki iloa e nā tino e nonofo i Ieluhalema ma o lātou takitaki, ko Iehu ko te Fakaola, ma e hēki mālamalama foki ki lātou i nā kupu a te kau pelofeta e faitau ki tagata i Hāpati takitahi uma. Ka kua kavea te fakahalagia e ki lātou o Iehu, ma mea kua fakataunuku ai nā kupu a te kau pelofeta.