Luka 13:32 - Tokelauan New Testament

³² Oi tali atu ai ia Iehu ki a te ki lātou, “Olo oi lea ki te ālope tēnā, ‘Kikila, e kō tulia ki fafo nā tēmoni ma fakamālōlō nā tauale i te aho nei, ma taeao, ma ko tona tolu o aho ka fakauma ai aku gāluega.’

Luka 13:32 ပူးပေါင်းရင်းမြစ်များ

Maleko 6:14

Kua lagona e te Tupu ko Helota nā mea iēnei ona kua takutakua lele te igoa o Iehu i ho he nofoaga. Kua lea vē iētahi tino, “Ko Ioane te Papatiho tēnei kua toe ola mai; ko te mea ia e ia mafaia ai oi fai nā vāvega.”

Ioane 10:32

Kua lea atu ia Iehu ki a te ki lātou, “Kua fakailoa atu e au ki a te koutou te lahi o nā gāluega lelei na tuku mai e te Tamana ki a te au ke fai; tēfea la te gāluega o nā gāluega iēnei ka fetogi ai au e koutou?”

Ioane 19:30

Kua inu e Iehu te uaina, oi vē ake ai tana kupu, “Kua taunuku!” Oi fakagaugau ifo ai ki lalo tona ulu, oi to ai loa tana mānava.

Epelu 2:10

Ko he mea tatau i te Atua, tē na gaohia ma mafai ke tūmau ai ia mea uma, ke ia fakakātoatoagia te lelei o Iehu e ala i ona puapuagā, kae ke takitakia ai te tokalahi o fānau a te Atua, ke i ei fakatahi ma ia i tona mamalu. Auā ko Iehu te takitakia ki lātou ki te fakaolataga.

Epelu 5:9

Na kavea ia ma auala na maua ai e nā tino uma e uhitaki ki a te ia te fakaolataga e fakavavau, i na kua uma te ia fakataunukua o nā mea uma na tuku e ia faia,

Epelu 7:28

E tōfia e te Tūlāfono a Mohe nā tino e hē kātoatoa te lelei, ke kavea ma ulu ohitāulaga; kae ko te folafolaga a te Atua na fai ai ma tana tautōga ka ko hēki i ei ai te Tūlāfono, kua tōfia ai te Ataliki, tē kua uma te fakakātoatoagia o tona lelei ke pa ki te fakavavau.