Luka 13:19 - Tokelauan New Testament

¹⁹ E fakatuha ki he fatu hīnapi na kave e he tamāloa oi totō i tona fatoaga; ma kua ola ake ma kavea ma lākau, ma ōmamai ai nā manulele oi fai o lātou ōfaga i ona lālā.”

Luka 13:19 ပူးပေါင်းရင်းမြစ်များ

Mataio 17:20

Kua tali mai ia Iehu “E hēki mafai e koutou, ona e hē lava te koutou fakatuatua. Auā e lea atu au ki a te koutou, kana ia te koutou he fakatuatua e vē ko te lahi o he fatu hīnapi, e mafai ke lea koutou ki te mauga tēnei, ‘fano vē ki ko,’ oi e fano. E mafai e koutou oi fai ho he mea.”

Maleko 4:30

Kua lea atu ia Iehu, “He ā nei te ka fakatuha e ki tātou ki ei te Mālō o te Atua? E vēhea nei he talafakatuha ka ki tātou faia ke fakamālamalama ai?

Luka 17:6

Kua tali mai te Aliki, “Kana ia te koutou he fakatuatua e vē ko te lahi o he fatu hīnapi, e mafai koutou ke lea vēnei ki te hūkāmolu, ‘Heki ake ki luga i ō aka ia koe e koe lava, ma fano oi totō i te tai!’ ma e uhitaki atu lava.

Gāluega 2:41

E tokalahi na talitonu ki tana fekau ma na papatihogia, ma na maua te tai toluafe o ki lātou na fakaopoopo ki te vāega kua talitonu, i te aho tēnā.

Gāluega 21:20

Ina kua uma to lātou fakalogologo ki te līpoti, oi viviki uma lele ai ki lātou ki te Atua. Oi lea vē atu ai ki lātou, “Te uho, e kē kitea e faitau afe ia tagata Iutaia kua liliu ma kavea ma Kelihiano, ma te mālohi foki o to lātou talitonu ki te Tūlāfono a Mohe.

Gāluega 4:4

Kae e tokalahi nā tino na fakalogo ki te fekau ma talitonu ki ei; ma na tuputupu ai pea lava te nūmela o tagata na fakapotopoto ki ei, ma na maua he limaafe pe ā.

Loma 15:19

i te mana o nā vāvega ma nā mea ofoofogia, ma i te mana o te Agaga o te Atua. Ma kua uma te tālaki e au te Tala Lelei ki a Keliho, e kāmata mai i Ieluhalema ke pa ki Ilulikou.

Fakaaliga 11:15

Oi ili ai te pu a te fitu o agelu, ma na kō lagona atu ai nā leo i te lagi e lea leo lalahi vēia, “Ko te pule e pūlea kātoa ai te lalolagi i te taimi nei, kua i lima o to tātou Aliki ma tana Mehia, ma ka pule pea lava ia ke pa ki te fakavavau!”