Luka 13:17 - Tokelauan New Testament

¹⁷ Ko tana tali tēnei na lagona ai te māhiahi e nā tino nae feita ki a te ia; ka ko te kaifenua kātoa kua fiafia lahi, ona ko nā mea lelei uma na ia faia.

Luka 13:17 ပူးပေါင်းရင်းမြစ်များ

Luka 14:6

Kae kua hē mafai ke tali mai ki lātou ki te mea tēnā.

Luka 18:43

Ko te taimi lava tēnā na mafai ai ke kitea e ona mata, oi mulimuli ai ki a Iehu, ma fakafetai ki te Atua. I te kitea atuga o te mea tēnei e te kaifenua, oi viviki ake uma ai ki lātou ki te Atua.

Luka 19:48

kae e hēki ki lātou maua he avanoa ona ko tagata uma lele nae fia fakalogologo pea lava ki a Iehu ma hē fofou ke mihi e ki lātou he kupu e fokotahi e tautala ai.

Luka 20:40

Auā e hēki toe fia toa ki lātou ke fai ki a te ia ni iētahi fehili.

Gāluega 4:21

Oi toe lapataki mālohi ai te Taupulega ki te toka lua, ma tuku ai ke olo. Kua ki lātou kitea e hē ki lātou mafaia oi fakahala te toka lua, auā ko tagata uma kua viviki ki te Atua ona ko te mea na tupu.

2 Timoteo 3:9

Kae e hē mataloa he taimi e hao ai a lātou mea iēnei, auā ka kitea e tagata te vālelea o ki lātou, e vē foki lava ko te mea na pa ki ei ia Ianehe ma Iamele.

Tito 2:8

Tautala i nā kupu mamā kae ke nahe faitiogia ai koe e he tino. I te faiga tēnei, ka hē mafai ai e nā tino e fai koutou ma o lātou fili oi fai ni kupu ke teteke mai ai ki a te ki tātou ma ka lagona ai lava e ki lātou te māhiahi.

1 Petelu 3:16

Tali atu ki ei ma te āva ma te fakaaloalo ma te lotofuatia e mamā. I te faiga tēnā, ka lagona ai te māhiahi e nā tino e faia nā tala ke fakakino ai nā uiga lelei o koutou nā tino kua mulimuli ki a Keliho.