Luka 13:14 - Tokelauan New Testament

¹⁴ Kae ko te takitaki o te hūnako, kua ita ona kua fakamālōlō e Iehu he tauale i te Hāpati. Kua lea vē atu ki nā tino, “E ono ia aho e tatau ke fai ai nā gāluega; ōmamai i nā aho iēnā ke fakamālōlō ai koutou, kae hē ko te Hāpati!”

Luka 13:14 ပူးပေါင်းရင်းမြစ်များ

Mataio 12:2

Kae i te kitea atuga o te mea tēnei e nā Falehaio, oi lea vē atu ai ki a Iehu, “Kikila, e fai e nā hoko o koe te mea e fakahā i te Tūlāfono, ke fai i te Hāpati!”

Maleko 5:22

Kua pa atu ki kinā ia Iāilo, ko hētahi o takitaki o te hūnako ma i te ia kitea atuga o Iehu, oi fakapakū ai ki tafa o ona vae,

Luka 6:11

Kae kua fēkakai lele ki lātou ma kāmata oi fakataufai, pe he ā ta ki lātou ka fai ki a Iehu.

Luka 6:7

Nae i ei ni faiakoga o te Tūlāfono ma ni Falehaio nae hakilikili ke ki lātou mōliagia ia Iehu i hana holitūlāfono, oi nae tautuku lelei e ki lātou pe i na fakamālōlō e ia he tino i te Hāpati.

Luka 8:41

Oi hau ai he tamāloa e igoa ki a Iāilo; he takitaki o te hūnako. Kua fakapakū ki tafa o nā vae o Iehu, ma fakatagi ki ei ke fanake ki tona fale,

Gāluega 13:15

Kua uma te faitauga mai te Tūlāfono a Mohe ma nā tuhituhiga a te kau pelofeta, oi kave ai te faifekau a nā takitaki o te hūnako ki a te ki lātou e vē, “O mātou uho, kāfai e i ei hautou kupu fakamālohi mo te fakapotopotoga, e mafai ke fai i te taimi nei.”

Gāluega 18:17

Kua puke e ki lātou uma ia Hohetene te takitaki o te hūnako, ma kini i mua o te fakamahinoga. Kae e hēki tokaga lele ki ei ia Kaliono.

Gāluega 18:8

Ko Kilihipo te takitaki o te hūnako, na talitonu ki te Aliki, vēnā ma tona kāiga kātoa; ma e tokalahi foki iētahi tino i Kolinito na fakalogo ki te fekau ma talitonu, ma na papatihogia.

Loma 10:2

E molimau au ki to lātou naunau lahi ke fai te finagalo o te Atua; kae ko to lātou naunau e hē fakavaea i te mālamalama moni.