Luka 13:13 - Tokelauan New Testament

¹³ Kua fakauta atu ona lima ki luga o te fafine, ma ko te taimi lava tēnā na tū hako ake ai loa ki luga te fafine, ma viviki ake ki te Atua.

Luka 13:13 ပူးပေါင်းရင်းမြစ်များ

Mataio 9:8

I te kiteaga e nā tino o te mea tēnei, oi na mātataku lele ma viviki ake ki te Atua, ona ko he pule vēnei kua fōki e ia ki tagata.

Maleko 16:18

kāfai e hiki ki luga e ki lātou nā gata, pe inu ki ho he meakona, ka hē āfāina ai ki lātou; kāfai e fakauta o lātou lima ki luga o nā tauale, ka mālōlō ai nā tauale.”

Maleko 5:23

ma fakatagi ki ei vēia, “Ko toku afafine tamaiti e tauale tīgāina lahi. Hau ko fakamolemole oi fakaeke o lima ki ona luga, kae ke toe mālōlō ai ma ola!”

Maleko 6:5

E hēki ia mafaia oi fai he vāvega e fokotahi i kinā, kae vaganā ai te fakaeke atuga o ona lima ki luga o ni nai tino nae tauale, oi mālōlō ai ki lātou.

Maleko 8:25

Na toe tuku atu nā lima o Iehu ki nā mata o te tāuaho; oi pupula hako loa nā mata o te tāuaho ki mua oi kitea lelei ai e ona mata, kua manino lelei tana kikila ki mea uma.

Luka 13:12

I te kiteaga e Iehu o te fafine, oi kalaga atu ai ki ei ke fanake, ma lea vē atu ai ki ei, “Te māfine, ko koe kua mālohi i tō tauale!”

Luka 18:43

Ko te taimi lava tēnā na mafai ai ke kitea e ona mata, oi mulimuli ai ki a Iehu, ma fakafetai ki te Atua. I te kitea atuga o te mea tēnei e te kaifenua, oi viviki ake uma ai ki lātou ki te Atua.

Luka 4:40

I te gotoga o te la, ko ki lātou uma lele nae i ei ni o lātou tino nae maua i nā itūkāigā tauale kehekehe, kua ōmamai ma kaumai ki a Iehu: kua fakauta ona lima ki luga o ki lātou tau tokatahi, oi mālōlō ai ki lātou uma.

Gāluega 9:17

Oi fano ai loa ia Anania, kua ulu atu ki te fale nae i ei ia Haulo, ma fakaeke ona lima ki luga o Haulo ma lea vē atu ki ei, “Haulo toku taina, ko au kua uga mai e te Aliki ko Iehu. Ko ia te na fakaali atu ki a te koe i te auala ka kua tāli pa mai koe ki kinei. Na ia uga maia au kae ke mafai ke toe kikila ō mata ma ke fakatumugia koe i te Agaga Paia.”