Luka 13:11 - Tokelauan New Testament

¹¹ Ma nae i kinā he fafine, kua kātoa te hefulu valu tauhaga e fakapipili e he agaga kino. Na punou lahi lele ki lalo ma e hēki mafai ke toe tū hako ki luga.

Luka 13:11 ပူးပေါင်းရင်းမြစ်များ

Mataio 4:23

Kua fano ia Iehu ki nā koga uma o Kalilaia oi akoako ki tagata i loto o nā hūnako, ma tālaki atu te Tala Lelei e uiga ki te Mālō o te Atua, ma fakamālōlō nā tino e maua i nā itūkāigā tauale kehekehe.

Maleko 9:21

Na fehili atu loa ia Iehu ki te tamana o te taumalo, “He ā nei te mataloa talu te tauale vēnei?” Kua tali mai te tamana, “Na tauale vēnei mai lava ka koi tamaiti lele.

Luka 13:12

I te kiteaga e Iehu o te fafine, oi kalaga atu ai ki ei ke fanake, ma lea vē atu ai ki ei, “Te māfine, ko koe kua mālohi i tō tauale!”

Luka 13:16

Ka ko te lāpuna tēnei o Apelaamo, kua kātoa te hefulu valu tauhaga e noanoatia e Hātani; e hē tatau nei ke tatala i te Hāpati?”

Luka 21:28

Kāfai nā mea iēnei e kāmata oi tutupu, tutū ki luga ma tepa ake ki te lagi, auā ko te koutou fakaolataga kua tāli pa mai.”

Luka 8:2

vēnā foki ma ni fafine kua uma te fakamālōlō mai ni agaga kino ma ni tauale: ko tētahi o nā fafine iēnei ko Malia (nae takua ko he tino mai Makatala), na tuli kehe mai ai nā tēmoni e fitu;

Luka 8:27

E tū ake ia Iehu ki gāuta, kae fakafetaui atu ki ei he tamāloa e hau i te kakai, e ulufia e nā tēmoni. Kua lahi lele nā aho e eva vē ai e hēai ni ona kie, ma kua hē nofo i he fale, kae kua nofo lava i nā tugamau.

Luka 8:43

Nae i te kaifenua tēnā, he fafine kua kātoa te hefululua tauhaga e tauale i te punatoto; kua mole ana tupe i te totōgiga o nā fomai kae e hēki mafai ke fakamālōlō e he tino.

Gāluega 3:2

I kinā i te Faitotoka Gali, e vē ona fakaigoa ai e tagata, nae i ei ai he tino nae pipili i tona ōlaga kātoa. Ko aho uma e hauhau mai ai ki te faitotoka tēnei ke kaitagōgō tupe ai ki tagata e holo ki loto o te Mālumalu.

Gāluega 4:22

Ko te taulealea na fakamālōlō e ala i te vāvega, kua hili atu i te fahefulu tauhaga tona matua.