Luka 12:9 - Tokelauan New Testament

⁹ Kae ko nā tino e ki lātou tetekea au i mua o tagata, ka vēnā foki oi tetekea ki lātou e te Ataliki o te Tagata, i mua o nā agelu a te Atua.

Luka 12:9 ပူးပေါင်းရင်းမြစ်များ

Mataio 10:33

Kae ko ai lava ia tetekea au i mua o tagata, ka vēnā foki oi teteke e au i mua o toku Tamana i te lagi.

Mataio 25:12

Kae kua tali mai te tama fakaipoipo, ‘E hēai he mea vēnā, e hē kō iloa koutou.’ ”

Mataio 25:31

“Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu,

Mataio 25:41

“Oi ka lea vē atu ai ki nā tino i tona itū tauagavale, ‘Olo kehe ma au, koutou nā tino kua fakamālaiagia e te Atua. Olo ki te afi e hē mate kua uma te hāunia mo Hātani ma ana agelu!

Mataio 7:23

Oi ka lea vē atu au ki a te ki lātou, ‘E hē kō iloa koutou. Olo kehe ma au, koutou nā tino āmio kino.’

Maleko 8:38

Auā ko ai lava he tino i tēnei tupulaga hē talitonu ma te agahala, e mā ia te au ma aku akoakoga, ka vēnā foki oi mā te Ataliki o te Tagata i te tino tēnā, kāfai e hau i te mamalu o tona Tamana fakatahi ma te kau agelu paia.”

Luka 15:10

E lea atu au ki a te koutou, ka fiafia lahi ia agelu a te Atua, ona ko he tino agahala e fokotahi kua halamō.”

Luka 22:57

Kae kua fakafiti ia Petelu, ma lea vē atu, “Te māfine, e hē kō iloa te tino tēnā!”

Luka 9:26

Auā ko ai lava e mā ona ko au ma aku akoakoga, ka vēnā foki oi mā te Ataliki o te Tagata i te tino tēnā, kāfai e hau i tona mamalu ma i te mamalu o tona Tamana ma o te kau agelu paia.

2 Timoteo 2:12

Kāfai e tūmau pea to tātou onohai, ka pule fakatahi foki ki tātou ma ia. Kāfai e fakafiti ki tātou ia te ia, ka fakafiti foki ia ia te ki tātou.

1 Ioane 2:23

Auā ko te tino e hē ia taliagia te Ataliki e hē ia te ia foki te Tamana; ko te tino e ia taliagia te Ataliki e ia te ia foki te Tamana.

1 Ioane 2:28

Taku fānau, koutou ke tūmau pea i te māfutaga ma Keliho, kae ke fakatumulia ai ki tātou i te loto mākeke kae hē ko te matamumuli ma te fia mumuni ia te ia, i te Aho e haele mai ai.

Fakaaliga 3:8

E iloa e au autou gāluega e fai. Kikila, kua kō tatalagia he faitotoka mo koutou, ma e hēai he tino e ia mafaia oi tapunia. E iloa e au ko koutou ko he Ekalehia e hē tokalahi, kae ko koutou e mulimuli pea lava ki taku kupu ma e hēki teteke lele koutou ki toku igoa.