Luka 12:58 - Tokelauan New Testament

⁵⁸ Kāfai he tino e fai hana tagi ma mōlia koe ki te fakamahinoga, taumafai ke fakalelei te fekehekeheakiga i toulua va, ka ko hēki pa koulua ki te fakamahinoga. Auā kāfai e hē faia e koe te mea tēnei, ka toho koe e ia ki te fakamahino, oi tuku atu ai koe e te fakamahino ki leoleo, oi togi ai koe ki loto o te falepuipui.

Luka 12:58 ပူးပေါင်းရင်းမြစ်များ

Mataio 18:30

Ka kua hē ia taliagia; oi fakatonu ai e ia ke kave tona hoā kaukauna oi loka i te falepuipui ke pa ki te taimi e totogi kātoa ai tana kaitālafu.

2 Kolinito 6:2

Fakalogo ki te vāgana a te Atua, “I te taimi tatau na talia ai e au koutou, na lagona e au koutou; i te aho e tatau ke fakaola ai koutou e au, e fehoahoani atu au ki a te koutou.” Kikila, kua pa mai te taimi; ko tēnei te aho e fakailoa ai!

1 Petelu 3:19

ma i tona itū fakateagaga, na fano oi tālaki atu ki nā agaga e haihaitia i te falepuipui.

2 Petelu 1:15

Ka taumafai la au ki te mea e gata mai ai toku mafai, ki he faiga ke manatua ai pea e koutou nā mea iēnei, kāfai e uma toku ola.

Iuta 1:3

Aku uō pele, ko au nae taumafai ke tuhi atu ki a te koutou e uiga ki te fakaolataga kua maua fakatahi e ki tātou. Kae nei kua ia te au te lagona ke tuhi vave atu loa, ma fakamālohi atu ko koutou ke tau pea lava mo te talitonuga faka-Kelihiano kua fōki mai e te Atua ki ona tagata.

Fakaaliga 20:7

Kāfai e uma te afe tauhaga, oi ka tatala loa lava ia Hātani mai tona falepuipui,