Luka 12:5 - Tokelauan New Testament

⁵ Kae ka fakailoa atu e au ki a te koutou te tino e tatau ke mātataku ai koutou: mātataku i te Atua, auā e ia te ia te pule ke togi ai he tino ki kēna, kāfai e uma te ia tāmatea. Talitonu mai ki a te au, ko ia te tatau ke mātataku ai koutou!

Luka 12:5 ပူးပေါင်းရင်းမြစ်များ

Mataio 10:28

Ma ia koutou nahe mātataku i nā tino e tāmate e ki lātou te tino o te tagata, kae hē ki lātou mafaia oi tāmate te agaga; kae mātataku i te Atua e ia mafaia oi fakaumatia te tino fakatahi ma te agaga i te afi o kēna.

Mataio 25:41

“Oi ka lea vē atu ai ki nā tino i tona itū tauagavale, ‘Olo kehe ma au, koutou nā tino kua fakamālaiagia e te Atua. Olo ki te afi e hē mate kua uma te hāunia mo Hātani ma ana agelu!

Mataio 25:46

Ko nā tino la iēnei, ka kave ki te fakahalaga e pa ki te fakavavau, ka ko nā tino āmiotonu ka maua e ki lātou te ola e fakavavau.”

Mataio 5:22

Kae ko au e lea atu nei ki a te koutou, ko ai lava e ita ki tona uho, ka kave ki te fakamahinoga; ko ai lava e lea vē ki tona uho, ‘E hēai hō aogā!’ ka kave ki te Taupulega, ma ko ai lava e taku e ia tona uho ko he mea valea, e ono togi ki loto o te afi o kēna.

Maleko 13:23

Koutou la ke mataala! Kua fakailoa atu e au ki a te koutou nā mea uma ka ko hēki pa mai te taimi.

1 Tehalonia 4:6

E tuha ai la ma te matākupu tēnei, nahe i ei lele he tino e faikino pe fakavalea e ia tona uho Kelihiano. Kua uma to mātou lea atu i te mea tēnei, ma ko ki mātou e matuā lapataki atu, ko te Aliki ka ia fakahalagia nā tino e faia nā uiga iēnei.

Epelu 10:31

Ko he mea e matuā fakamātakutaku lele, kāfai he tino e i lalo o te pule a te Atua ola!

2 Petelu 2:4

E hēki fakahaoa e te Atua nā agelu na agahala, kae na togi ki heoli, te mea e noanoa ai i nā filifili i te pōgihā, ma fakatalitali ai mo te Aho Fakamahino.

Fakaaliga 14:7

Kua lea vē atu i he leo lahi, “Koutou ke mātataku i te Atua ma viviki atu ki a te ia, auā kua pa ki te taimi e fakamahino ai e ia ia tagata uma. Ifo atu ki tē na faia te lagi, te lalolagi, te tai, ma nā vaipuna.”

Fakaaliga 15:4

Te Aliki, ko ai nei te ka hē mataku ia te koe? Ko ai nei te ka hē vīkia e ia tō igoa? Ko koe lava oioti te paia. Ko mālō uma ka ōmamai ma ifo atu ki a te koe, auā kua kitea e tagata uma te tonu o tau fakamahinoga.”

Fakaaliga 20:14

Oi togi ai te Oti ma Heoli ki loto o te vaitūloto o te afi mumū. (Ko te vaitūloto tēnei o te afi, ko te oti tona lua ia.)