Luka 12:48 - Tokelauan New Testament

⁴⁸ Kae ko te kaukauna e hēki ia iloa te mea e fofou ki ei tona matai, kae kua ia faia he mea e tatau ke kini ai, ka hē kini lahia. Ko nā tino e fōki ki ei ni mea e lahi, e lahi foki nā mea e tatau ke maua mai ia te ki lātou. Ma e lahi atu foki la nā mea e tatau ke maua mai i nā tino e lahi atu nā mea e fōki ki ei.

Luka 12:48 ပူးပေါင်းရင်းမြစ်များ

Mataio 13:12

Auā ko te tino kua i ei hana mea, ka toe fōki ki ei kae ke lava ai ma totoe mo ia; kae ko te tino e hēai hana mea, ka kave kehe mai ia te ia ke pa lava ki he tamā mea kua ia te ia.

Luka 12:41

Kua lea atu ia Petelu, “Te Aliki, ko te talafakatuha tēnei e fakatatau ki a te ki mātou, pe ki tagata uma?”

Luka 12:49

“Ko au na hau oi kaumai te afi ke huhunu ai te lalolagi, ma kai au te fofou lele ko te afi kua uma te fakamumū!

Luka 16:2

Oi fekau ai e ia tana kaukauna pule ma lea vē atu ki ei, ‘He ā tēnei kua kō lagona atu e uiga ki a te koe? Hāuni mai la he tala kātoa o aku mea uma nae kē kikilagia, auā ko koe ka hē toe kaveagia ma kaukauna pule.’

Ioane 15:22

Kana hē hau au oi folafola atu te fekau ki a te ki lātou, e vēnei ake e hēki agahala ki lātou; kae i te taimi nei, kua hē toe i ei he mea ke fakapeku ki ei, mai a lātou agahala.

Gāluega 17:30

Kua hē toe taua e te Atua nā aho nae hē iloa ai ia e tagata, kae i te taimi nei, kua fakatonu e ia ia tagata uma i ho he koga o te lalolagi, ke liliu kehe mai o lātou uiga kino.

1 Timoteo 1:11

e tuha ai ma te tala lelei gali a te Atua tē e viviki ki ei ia tagata, kua tuku mai ke folafola e au.

1 Timoteo 1:13

e ui lava e i ei he taimi kua teka atu nae fāifāi ai au ki tona igoa ma fakahāuā ma fakamātagā ki a te ia. Kae ko te Aliki na alofa fakahao mai ki a te au, ona nae hē kō iloa aku mea nae fai, auā ko hēki talitonu ai au ki a te ia i te taimi tēnā.

1 Timoteo 6:20

Timoteo, tauhi lelei ki te mea kua fōki atu e te Atua ke kikila e koe. Ia koe nahe fakalogo ki nā tino e faia nā fakamatalaga valea ma hē mīgao, iē e lea iētahi tino ko te “poto.”

Tito 1:3

ma i te taimi tatau, na ia fakailoa ai te mea tēnei, e ala i tana kupu na tuku mai ki a te au, ma e kō folafolagia e tuha ai ma te fakatonuga a te Atua to tātou Fakaola.

Iakopo 3:1

Te kau uho, e hē tatau ke tokalahi ni tino o koutou e fai ma faiakoga. E vē ona koutou iloa, ko ki mātou nā faiakoga, ka hili atu te mamafa o te fakamahinoga o ki mātou tau tokatahi e fai e Atua, i lo iētahi tino.