Luka 12:47 - Tokelauan New Testament

⁴⁷ “Ko te kaukauna kua ia iloa te mea e fofou ki ei tona matai, kae hē nofo hāuni ki ei, pe ia fakatinoagia te finagalo o tona matai, ka kini lahi lele.

Luka 12:47 ပူးပေါင်းရင်းမြစ်များ

Luka 12:41

Kua lea atu ia Petelu, “Te Aliki, ko te talafakatuha tēnei e fakatatau ki a te ki mātou, pe ki tagata uma?”

Luka 12:46

Kae ka toe foki mai tona matai i he aho e hēki manatu te kaukauna e toe foki mai ai, ma i he taimi e hē ia iloa. Ka tukimomo lele ia e tona matai, oi tuku atu ai ki te mea e i ei ai nā tino hē talitonu.

Ioane 12:48

Ko nā tino e teteke mai ki a au ma hē ki lātou talia taku kupu, ka i ei te tino e ia fakamahinoa ki lātou. Ko nā kupu kua tautala ai au, ka kavea ma fakamahino mo ki lātou, i te aho mulimuli!

Ioane 19:11

Kua tali mai ia Iehu, “Anei e hēki fōki atua e te Atua te pule ki a te koe, e hēai lele hau mea e fokotahi e mafai ke fai mai ki a te au. Ko te tino la na ia tukulima atua au ki a te koe, e hilihili atu te mamafa o tana agahala.”

Ioane 9:41

Kua tali atu ia Iehu, “Moinei ake koutou e tāuaho, ko koutou e hē fakahalagia; kae ona ko koutou e lea ko koutou e hē tāuaho, ko tona uiga koi nofo hala pea lava koutou.”

Gāluega 17:30

Kua hē toe taua e te Atua nā aho nae hē iloa ai ia e tagata, kae i te taimi nei, kua fakatonu e ia ia tagata uma i ho he koga o te lalolagi, ke liliu kehe mai o lātou uiga kino.

Iakopo 4:17

Ko te mea ia, kāfai kua iloa e ki tātou te mea e tatau ke fai kae hē ki tātou faia, ko ki tātou la kua agahala.