Luka 12:45 - Tokelauan New Testament

⁴⁵ Kae kāfai te kaukauna tēnei e lea vē ifo ki a te ia lava, ‘ko toku matai e tuai mai,’ oi kāmata ai oi kini e ia nā kaukauna tagata ma nā kaukauna fafine, ma kai ma inu ma konā.

Luka 12:45 ပူးပေါင်းရင်းမြစ်များ

Mataio 22:6

ka ko iētahi kua puke e ki lātou nā kaukauna, kua kini ma tāmate.

Luka 12:44

E takutino atu e au ki a te koutou, ka tōfia ia e tona matai ke pule i ana mea uma lele.

Luka 12:46

Kae ka toe foki mai tona matai i he aho e hēki manatu te kaukauna e toe foki mai ai, ma i he taimi e hē ia iloa. Ka tukimomo lele ia e tona matai, oi tuku atu ai ki te mea e i ei ai nā tino hē talitonu.

Luka 21:34

“Kae ia koutou ke mataala, nā ia koutou ka tuahā lahi ki nā faigākai ma nā īnuga vēnā ma popōlega o te ōlaga, kae maua mai koutou e te Aho tēnā

Ioane 2:10

“Ko nā tino uma lele, e fakahoa muamua lava e ki lātou te uaina lelei, ma kāfai loa te kau valakaulia e kāmata oi konanā, oi fātoā fakahoa ai la ki ei te uaina taugōfie. Kae kua kē tāofia te uaina lelei, ke fakahoa mulimuli.”

Gāluega 2:18

Io, ke pa foki lava ki aku kaukauna, nā taulelea ma nā fafine, ka kō liligia ki o lātou luga toku Agaga i nā aho iēnā, ma ka ki lātou tālakia taku fekau.

Loma 16:18

Auā ko nā tino e faia nā mea iēnā, e hē gālulue mo Keliho to tātou Aliki, kae mo ki lātou lava. Ko a lātou kupu gali ma fakafāfia tino, e fakahehē ai nā loto o nā tino e hē lava to lātou iloa.

2 Kolinito 11:20

E onohai koutou kāfai koutou e fakapologa e he tino, pe fakavalea, pe honafai, pe manatu fakatauva ki a te koutou, pe fai ni ona uiga hē māfaufau ki a te koutou.

1 Tehalonia 5:7

Auā ko te pō te momoe ai ia tagata; ko te pō te fai konanā ai ki lātou.

2 Petelu 2:13

ma ka toe tauia lava ki lātou i nā puapuagā mo nā puapuagā na ki lātou fakatupuagia. He fiafiaga e o ki lātou te fai pātī i te ao teatea; te fakamā ma te fakatakuvalea kāfai e kakai fakatahi ma koutou, ma e fiafia pea lava oi fai o lātou uiga tau fakahehē.

2 Petelu 2:19

E folafola e ki lātou te haolotoga, kae ko ki lātou foki ni pologa a nā uiga kino e fakaumatia ai lava ki lātou — auā ko te tagata ko he pologa a ho he mea kua fakatōkilalogia ia.

Fakaaliga 16:6

Na fakamaligi e ki lātou te toto o tagata o te Atua ma te kau pelofeta, ma kua fōki e koe nā toto ki a te ki lātou ke inu. Ko tēnā lava te mea e tatau mo ki lātou.”

Fakaaliga 18:24

Ko Papelona na fakahalagia ona ko te toto o te kau pelofeta ma tagata o te Atua na maua i loto o te kakai; io, te toto o ki lātou uma kua fahiotia i te lalolagi.