Luka 12:32 - Tokelauan New Testament

³² “Koutou nahe mātataku, taku lafu māmoe tokaititi, auā ko te koutou Tamana, e fiafia ke fōki atu ki a te koutou te Mālō.

Luka 12:32 ပူးပေါင်းရင်းမြစ်များ

Mataio 14:27

I te taimi lava tēnā, na vāgana mai ai ia Iehu ki a te ki lātou, kua vē mai, “Fakamākeke! Ko au tēnei. Koutou nahe mātataku!”

Mataio 20:16

Kua fakauma te akoakoga a Iehu oi lea vē atu ai, “Ko te mea ia, ko ki lātou e mulimuli ka kavea ma muamua, ka ko ki lātou e muamua ka kavea ma mulimuli.”

Mataio 25:34

Oi ka lea atu ai te Tupu ki nā tino i tona itū taumatau, ‘Ōmamai, koutou iēnā kua fakamanuiagia e toku Tamana! Ōmamai oi fai mo koutou te tofi ki te mālō, kua uma te hāunia mo koutou, mai te kāmataga o te lalolagi.

Mataio 7:15

“Koutou ke fakaeteete i nā pelofeta pepelo: e ōmamai ki a te koutou e fōliga e vē ni māmoe i te kikila atu i fafo, kae ko loto, e vē lava ni luko fekai.

Luka 10:21

I te taimi lava tēnā, na fakatumulia ai ia Iehu e te Agaga Paia i te fiafia lahi ma lea vē ake ai, “Te Tamana, te Aliki o te lagi ma te lalolagi! Ko au e fakafetai atu ki a te koe, auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia. Io, te Tamana, ko te mea lava tēnei na fofou koe ke fai.

Ioane 18:36

Kua tali mai ia Iehu, “Ko toku mālō e hē o te lalolagi tēnei; anei toku mālō e o te lalolagi tēnei, ko aku kaukauna na tau kae ke nahe pukea ai au e nā takitaki o Iutaia. Hēai, ko toku mālō e hē o te lalolagi.”

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

Gāluega 20:29

Kua uma te kō iloa kāfai au e fano kehe, ka ōmamai nā luko fēkakai ki a te koutou, ma ka hē ki lātou fakahaoa te lafu māmoe.

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

1 Kolinito 1:21

Auā ko te poto o te Atua na ia faia ai ke nahe iloa ia e tagata i ho lātou lava poto. Kae e ala i te fekau e folafola e ki mātou, tēia e lea nā tino e “valea,” na tonu ai i te Atua ke fakaola ki lātou e talitonu.

Filipi 2:13

auā ko te Atua e galue pea lava i taimi uma i loto ia te koutou, ke mafai ai ke i ei outou loto ma uhitaki ki te mea e finagalo ia ki ei.

2 Tehalonia 1:11

Ko te mea ia e tatalo ai pea lava ki mātou mo koutou. Ko ki mātou e tatalo ki to tātou Atua, ke kavea koutou ma tagata e tatau ma onomea mo te itūkāigā ōlaga kua ia kalagagia ai koutou ke ola ai. Ke fakataunuku e ia i tona mana, outou manakoga uma lele mo nā mea lelei, ma fakataunuku autou gāluega e fai ona ko te koutou fakatuatua.

2 Tehalonia 1:5

Ko nā mea uma iēnei e fakamāonia ai te āmiotonu o te fakamahinoga a te Atua, ma ko te mea ia ka kavea ai koutou ma tagata e tatau ma onomea mo tona Mālō, tēia e māfua ai te maua o koutou i nā puapuagā.

Epelu 12:28

Ko ki tātou la e tatau ke fakafetai, auā e maua e ki tātou he mālō e hē mafai ke lūlūgia. Tātou fakafetai ma tāpuaki ki te Atua i he auala e fiafia ai ia, ma e mamalu lahi ma i ei te mataku;

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

2 Petelu 1:11

ma ka ia te koutou te aiā kātoatoa ke ulufale ai ki te Mālō e fakavavau o to tātou Aliki ma to tātou Fakaola ko Iehu Keliho.

Fakaaliga 1:6

ma na ia faia ki tātou ma ohitāulaga i tona mālō ke tautua ki tona Atua ma tona Tamana. Ke ia Iehu Keliho te vīkiga ma te mana ke pa ki te fakavavau lava! Amene.

Fakaaliga 22:5

Ka hē toe i ei he pō, ma ka hē toe manakomia e ki lātou ni mōlī pe ko te huhulu o te la, auā ko te Aliki te Atua ka fai ma o lātou mōlī, ma ka ia te ki lātou te pule fakatupu ke pa ki te fakavavau.