Luka 12:30 - Tokelauan New Testament

³⁰ (Auā ko nā mea iēnei e popole ki ei nā tino fakapaupau o te lalolagi tēnei.) E iloa e te koutou Tamana ko nā mea iēnei e manakomia e koutou.

Luka 12:30 ပူးပေါင်းရင်းမြစ်များ

Mataio 10:20

Auā e hē ko koutou te ka tautatala, ka ko te Agaga o te koutou Tamana e tautala, kui atu ia te koutou.

Mataio 18:14

E vēnā foki lava oi hē fofou te koutou Tamana i te lagi ke galo hētahi o ki lātou nei e tamaiti.

Mataio 5:47

Ma kāfai koutou e fakataumuna oioti ki autou uō, kua koutou faia nei he mea e kehe mai nā mea e fai e iētahi tino? E pa foki lava ki tagata nukukehe e fai e ki lātou te mea tēnā!

Mataio 6:1

“Ke mautinoa ko autou gāluega lelei, e hē faia i mua o tagata kae ke ki lātou kitea ai autou mea e fai. Kāfai e fai vēnā e koutou nā mea iēnei i mua o tagata, ka hē maua houtou taui mai te koutou Tamana i te lagi.

Mataio 6:32

Auā ko nā mea uma iēnei e popole pea lava ki ei ia tagata nukukehe; ma e iloa e te koutou Tamana i te lagi ko nā mea uma iēnei e manakomia e koutou.

Mataio 6:8

Koutou nahe fakatakitaki ki ei. Kua uma te iloa e te koutou Tamana nā mea e fofou koutou ki ei ka ko hēki lea atu koutou ki a te ia.

Luka 12:29

“Ko te mea ia, nahe koutou popole pe ni ā ta koutou e kai pe inu.

Luka 12:31

Kae hakili atu ki tona Mālō, oi foki atu ai e ia ki a te koutou nā mea iēnei.

Luka 12:32

“Koutou nahe mātataku, taku lafu māmoe tokaititi, auā ko te koutou Tamana, e fiafia ke fōki atu ki a te koutou te Mālō.

Ioane 20:17

Kua vāgana atu ia Iehu ki a Malia “Koe nahe paki mai ki a te au, auā ko au ko hēki fanake ki toku Tamana. Kae fano ki nā uho o oku oi lea ki ei, ko au ka fanake ki toku Tamana ma te koutou Tamana, ki toku Atua ma te koutou Atua.”

Efeho 4:17

I te igoa la o te Aliki e lapataki atu ai au ki a te koutou: koutou nahe toe ola e vē ko tagata fakapaupau ma o lātou manatu e hēai he aogā

1 Tehalonia 4:5

e hē i ni manakoga fakatetino, e vē ko tagata fakapaupau e hē ki lātou iloagia te Atua.