Luka 12:15 - Tokelauan New Testament

¹⁵ Oi lea atu ai ia Iehu ki te kaifenua uma, “Kikila lelei ma ia koutou ke fakaeteete i te mānumanu; auā ko te ola o te tagata e hē fua fakatataua ki te lahi o ana koloa.”

Luka 12:15 ပူးပေါင်းရင်းမြစ်များ

Maleko 7:22

te mulilua, te manako lahi, ma te fai o nā itūkāigā āmio kino uma, te talapepelo, te faiamio, te lotokino, te faitala fakakino, te fāfia ma te āmio valea.

Luka 12:16

Oi fai ai e Iehu te talafakatuha tēnei ki a te ki lātou: “Nae i ei he tino maukoloa, na maua mai i tona fenua he helehelega lahi lele.

Luka 16:14

I te lagona atuga o nā mea uma iēnei e te kau Falehaio, oi fai ai a lātou kupu fakatauemu ki a Iehu, auā ko ki lātou ni tino e fiafia ki nā tupe.

Luka 21:34

“Kae ia koutou ke mataala, nā ia koutou ka tuahā lahi ki nā faigākai ma nā īnuga vēnā ma popōlega o te ōlaga, kae maua mai koutou e te Aho tēnā

Luka 8:14

Ko nā fatu haito na lūlū ki te mea e ola ai te vao mātuituia, e fakatuha ki nā tino e ki lātou lagona te kupu; kae ko te mānumanu ki koloa ma fiafiaga o te ōlaga, e taomia ma hē mātutua ai ona fua.

1 Kolinito 6:10

pe ko nā tino kaihohoa, pe manatu fakapito, pe ko nā tino konanā, pe faitala fakakino, pe ko nā tino fāomea — e hēai ni tino vēnei e fai mo ki lātou te Mālō o te Atua.

Kolohe 3:5

Fakauma loa la nā manakoga o te lalolagi e pūleagia outou tino, e vē ko te tuinanau ki te tino, faiamio mātagā, nanau, nauloto kino, ma te kaimanako (auā ko te kaimanako e tutuha ma te ifo ki tupua).

2 Timoteo 3:2

Auā ko tagata ka manatu fakapito ifo lava te tino ki a te ia lava, ka mānumanu ki nā tupe, ka fāfifia ma fiahihili; ka fai kupu fakakino, ka hē uhitaki ki nā mātua, ka hē loto fakafetai ma hē āmio mamalu,

Epelu 13:5

Koutou nahe mānumanu ki te tupe, kae talia ma te fiafia nā mea kua maua e koutou. Auā kua vāgana te Atua, “E hē kō tukua lele koutou; ka hē kō tiakia lele koutou.”

2 Petelu 2:14

Oioti lava te mea e fano ki ei o lātou māfaufau, ke i ei he avanoa ke fai ai e ki lātou te mulilua; ko to lātou umiti ki te agahala e hē mafai ke uma. E takitaki hehē e ki lātou nā tino e fakahehē gōfie, ma ko o lātou loto e akoako ke iloa oi manako lahi. Kua fakamālaia ki lātou e te Atua.

2 Petelu 2:3

Ko to lātou manako lahi ki nā tupe, ka fakatōhina ai koutou e ki lātou i nā kupu pepelo. Mai te kāloā ke pa mai nei, ko tē e fakamahinoa ki lātou kua nofo hāuni, ma ko tē e fakaumatiagia ki lātou e hē moe lele!