Luka 12:14 - Tokelauan New Testament

¹⁴ Ka kua tali atu ki ei ia Iehu, “Na hei faia au ma fakamahino, pe ke pule i te vāevāega o nā mea a koulua ma tō uho?”

Luka 12:14 ပူးပေါင်းရင်းမြစ်များ

Luka 12:13

Kua lea vē mai he tino i te potopotoga ki a Iehu, “Te Faiakoga, lea ko ki toku uho ke vāevāe loa ki a te ki māua nā tofi kāiga na tuku mai e to mā tamana mo ki māua.”

Luka 22:58

E hēki mataloa kae kitea atu e hētahi tamāloa ia Petelu, oi lea atu ai ki ei, “Ko koe foki tētahi tino o ki lātou!” Kae kua tali mai ia Petelu, “Te taulealea, e hē ko au!”

Luka 5:20

Kua kitea e Iehu te lahi o to lātou fakatuatua, oi vāgana atu ai ki te tamāloa, “Te uho, ko au agahala kua fakamāgalo.”

Ioane 6:15

Kua hāfia e Iehu ko nā tino ka ōmamai oi kave fakamālohi ia ke fai ma o lātou tupu; oi toe fano kehe ai, kua fano tautahi ki luga o he mauga.

Ioane 8:11

Kua tali mai te fafine, “E hēai he tino, te Aliki,” Oi lea atu ai ia Iehu ki te fafine, “E hē kō fakahalagia foki koe. Fano loa, koe nahe toe agahala.”]

Loma 2:1

E fakamahino atu nei koe ki iētahi tino? Te uho, e tuha lava pe ko ai koe, e hēai lele he mea e tatau ai ke fai e koe he mea vēnā. Auā kāfai e fakamahino atu koe ki iētahi tino, kae toe fai foki lava e koe nā mea e ki lātou faia, ko tona uiga kua fakahalagia ia koe e koe lava.

Loma 2:3

Kae ko koe, te uho, e fai foki lava e koe nā mea e fakamahino atu ai koe ki iētahi tino! E vēake koe, ko koe e fakahao i te fakamahinoga a te Atua?

Loma 9:20

Kae ko ai nei koe, he tagata, ke toe tali ai koe ki te Atua? E hē mafai e te ulo ōmea ke lea vē atu ki te tino na ia gaohia ia, “He ā te na gaohi vē ai au e koe?”