Luka 11:41 - Tokelauan New Testament

⁴¹ Kae fōki nā mea i loto o nā iputi ma nā ipukai a koutou ma nā tino mātitiva, oi ka fakamamāgia ai nā mea uma mo koutou.

Luka 11:41 ပူးပေါင်းရင်းမြစ်များ

Mataio 26:11

Ka i ei pea lava nā tino mātitiva ma koutou, kae ka hē i ei pea lava au ma koutou.

Mataio 5:42

Kāfai he tino e gogō atu ki hau mea, fōki ki ei; kāfai he tino e fia fakaaogā e ia hau mea, fōki ke fakaaogā e ia.

Maleko 7:19

auā e hē fano ki tona loto kae fano ki loto o tona manava oi fano ai ki fafo o te tino.” (I tana tautalaga tēnei, na fakailoa ai e Iehu ko nā meakai uma lele e lelei ke kakai ki ei.)

Luka 12:33

Fakatau atu autou mea, ma fōki te tupe ma nā tino mātitiva. Fai ni autou ato teu tupe e hē mafai ke fano e gatu, ma teu ni autou koloa i te lagi, te mea e hē mafai ke fakaitiitia ai, auā e hēai he tino kaihohoa e mafai ke pa ki ei, pe ni mogamoga ke ki lātou fakakinoa.

Luka 16:9

Oi toe vāgana atu ai ia Iehu, “Ko au la e lea atu ki a te koutou: Fai ni uō mā koutou e ala i nā koloa e maua i ni auala hē hako, kae kāfai la e uma te lātou aogā, ka talia koutou ki loto o te nofoaga e nonofo tūmau ai ke pa ki te fakavavau.

Luka 18:22

I te lagona atuga e Iehu o te mea tēnei, oi vāgana atu ai ki ei, “Ko toe tahi lava la te mea e tatau ke kē faia. Fano oi fakatau au mea uma lele ma fōki te tupe ma nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai ki a te au.”

Luka 19:8

Oi tū ai ia Hakaio ki luga oi lea vē atu ki te Aliki, “Te Aliki, kikila! Ka fōki e au te āfa o āku koloa ki nā tino mātitiva, ma kāfai e i ei he tino na kave fakakaihohoa e au ni ana mea, ka fakafa te lahi o nā mea ka toe totogi e au ki ei.”

Gāluega 10:15

Kua toe lea vē ifo te leo, “Ho he mea kua fakailoa mai e te Atua e mamā, e hē tatau ke lea koe e hē mamā.”

Gāluega 11:29

Na tonu i te kau hoko, ko he ā lava he mea e maua e ki lātou tau tokatahi uma, ke kave ke fehoahoani ki te kau uho Kelihiano e nonofo i Iutea.

Gāluega 24:17

“Ina kua teka ni nai tauhaga talu toku fano kehe ma Ieluhalema, oi toe fano ai au ki ei oi kave ni tupe ki oku tagata Iutaia, ma ke ofo ake ni tāulaga.

2 Kolinito 8:12

Kāfai koutou e naunau ke fōki, ka taliagia e te Atua tautou meaalofa fua kinā mea kua i outou lima, kae e hē fua kinā mea e hē tagolima koutou ki ei.

Efeho 4:28

Kāfai koe he tino kaihohoa, tuku loa te kaihohoa kae kāmata galue mālohi ke ola koe i au gāluega ma mafai ai koe ke fehoahoani ki nā tino mātitiva.

Tito 1:15

E mamā lava nā mea uma ki a te ki lātou e loto mamā; kae e hēai he mea e mamā ia te ki lātou e kino ma hē talitonu, auā ko o lātou māfaufau ma o lātou lotofuatia kua hē mamā.

Epelu 13:16

Tautuanā e fai e koutou ni gāluega lelei ma fehoahoani tētahi ki tētahi, auā ko iēnā nā tāulaga e fiafia ki ei te Atua.

Epelu 6:10

Ko te Atua e fai meatonu. E hē mafai ke puli ia te ia autou gāluega nae fai, pe ko te koutou alolofa ki a te ia e ala i te koutou fehoahoani ki iētahi uho Kelihiano ke pa mai lava ki te taimi nei.

Iakopo 1:27

Ko te mea e mamā i mua o te Atua ma ko te tāpuakiga moni ia, ko tēnei: ko te fehoahoani ki tamaiti mātua oti ma fafine kua feoti a lātou tāne, i nā mea e puapuagā ai, ma ke nahe pīhia lele koutou i nā uiga kino o te lalolagi.