Luka 11:29 - Tokelauan New Testament

²⁹ Kua kāmata oi tumutumu mai te kaifenua, oi vāgana atu ai Iehu, “Kai te kino o nā tino i nā aho nei! E lea mai ki he fakailoga ofoofogia, kae e hēai he fakailoga e faia mo ki lātou, vaganā ai te fakailoga na fai ki a Iona.

Luka 11:29 ပူးပေါင်းရင်းမြစ်များ

Mataio 3:7

Kae i te kitea atuga e Ioane te tokalahi o te kau Falehaio ma te kau Hatukaio kua ōmamai ke papatiho ki lātou e ia, oi lea vē atu ai ki ei, “Koutou fānau a gata — ko ai te na lea atu e mafai koutou ke hao i te fakahalaga a te Atua kua tali pa mai?

Maleko 8:38

Auā ko ai lava he tino i tēnei tupulaga hē talitonu ma te agahala, e mā ia te au ma aku akoakoga, ka vēnā foki oi mā te Ataliki o te Tagata i te tino tēnā, kāfai e hau i te mamalu o tona Tamana fakatahi ma te kau agelu paia.”

Luka 11:16

Ko iētahi tino, nae fofou ke ki lātou tofotofoa ia Iehu, oi lea ai ki ei ke fai he fakailoga ofoofogia, ke iloa ai pe kua ia te ia moni te pule mai te Atua.

Luka 11:50

Ko te mea ia ka fakahala ai nā tino o nā aho nei, ona ko te ola o nā pelofeta uma lele na tāmate, talu te kāmataga o te lalolagi,

Luka 12:1

I te taimi tēnā, e faitau afe ia tagata kua fakapotopoto mai ma kua tumu lele kua fakatau tūfēke; oi lea vē muamua atu ai ia Iehu ki ona hoko, “Koutou ke fakaeteete i te mea fakafefete a te kau Falehaio — te fakagutugutulua o ki lātou.

Luka 9:41

Kua tali atu ia Iehu, “Kai te hē talitonu ma te āmio pikopiko o tagata o tēnei tupulaga. He ā nei te mataloa e tatau ke māfuta ai pea au ma koutou? He ā nei te mataloa ka onohai ai pea au!” Oi vāgana atu ai ki te tamāloa, “Kaumai tō ataliki ki kinei.”

Ioane 2:18

Ona ko te mea na fai e Iehu i te Mālumalu, na ōmamai ai ki a te ia nā tino Iutaia ma he lātou fehili e vēnei, “He ā he fakailoga e kē faia, ke fakamāonia ai ki a te ki mātou, kua ia te koe te pule ke fai ai te mea tēnei?”

Ioane 6:30

Kua lea atu ki lātou, “He ā he fakailoga e kē mafaia oi fai ke kikila ki mātou ki ei, kae ke talitonu atu ai ki mātou ki a te koe? He ā te kē mafaia oi fai?

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

1 Kolinito 1:22

Ko tagata Iutaia e fofou ki ni vāvega ke fai ma fakamāoniga, ka ko tagata Eleni e hakilikili ki te poto.