Luka 11:22 - Tokelauan New Testament

²² Kae kāfai hētahi tamāloa e hili atu tona mākeke, e ohofaki ma fakatōkilalo e ia te tamāloa e o ia te fale, e kave e ia nā kaukupega uma nae fakamoemoe ki ei te tino e o ia te fale, ma vāevāe e ia nā koloa kaihohoa ki tana vāega.

Luka 11:22 ပူးပေါင်းရင်းမြစ်များ

Luka 11:21

“Kāfai he tamāloa mākeke e nofo hāuni ma ana kaukupega i te leoleoga o tona fale, e haogalēmū uma ana mea.

Luka 11:23

“Ko te tino e hē kau ma au, e teteke ki a te au; ko te tino e hē fakaputu ma au, e fakatakape e ia.

Efeho 6:11

Kokofu i nā kofutau kātoatoa uma e fōki atu e te Atua, kae ke koutou mafaia ai oi teteke atu ki nā togafiti kino a te Tiāpolo

Efeho 6:13

Ko te mea ia, kokofu loa i te kofutau kātoatoa o te Atua! Kāfai la e pa mai te aho kino, e koutou mafaia oi teteke atu nā ohofakiga a te fili, ma kāfai e uma te tau o koutou ke pa ki te ikuga, ka hē māluelue lele te koutou tutū.

Kolohe 2:15

Ma ko luga o te hātaulo te na fakatōkilalo ai e Keliho nā agaga e takua ni tupu vēnā ma nā taupulega; na fakamahiahi e ia ki lātou i mua o tagata e vē ni tino kua puke fakapagotā, e ala i te fakahavavali pito ki mua o te holo e fakailoga ai tona manumālō.

1 Ioane 3:8

Ko ai lava e ia faia pea lava te agahala, ko ia tēnā e o te Tiāpolo, auā ko te Tiāpolo na agahala mai lava i te kāmataga. Ko tēnei tonu lava te mea na hula mai ai te Ataliki o te Atua, ke fakahēaogā nā gāluega a te Tiāpolo.

1 Ioane 4:4

Kae ko koutou taku fānau, e o te Atua koutou, ma kua fakatōkilalo e koutou nā pelofeta pepelo, auā ko te Agaga e ia te koutou e mālohi lele atu ia i lo te agaga e i nā tino o te lalolagi.