Luka 11:20 - Tokelauan New Testament

²⁰ Hēai, ko te pule lava a te Atua te tuli ai e au nā tēmoni ki fafo, ma ko tēnei te mea e fakamāonia ai ko te Mālō o te Atua kua i kinei ia te koutou.

Luka 11:20 ပူးပေါင်းရင်းမြစ်များ

Mataio 12:28

Hēai, e hē ko Pelehepulo kae ko te Agaga o te Atua te fōki maia ki a te au te pule ke tuli ai nā tēmoni ki fafo, ma e fakamāonia ai ko te Mālō o te Atua kua i kinei ia te koutou.

Mataio 3:2

Kua lea vē atu, “Liliu kehe mai autou agahala, auā ko te Mālō o te lagi kua tafapili mai!”

Mataio 4:24

Kua halalau te tala e uiga ki a Iehu ki nā itū uma o te fenua ko Hulia, ma na ōmamai ai ia tagata ma kaumai ki a te ia nā tino e maua i nā itūkāigā tauale kehekehe; nā tino e ulufia e tēmoni, nā tino tauale tete ma nā tino e mate iētahi o lātou itū — kua fakamālōlō uma ki lātou e Iehu.

Luka 10:11

‘E pa foki lava ki te pefu o te koutou kakai e pipiki ki o mātou vae, e tūtū kehe e ki mātou ke fakailoa ai te hehē o koutou. Kae ke manatua e koutou, ko te Mālō o te Atua kua tāli pa mai ki a te koutou!’

Luka 10:9

fakamālōlō nā tauale i te kakai tēnā, ma lea vēnei kinā tino uma i kinā, ‘Ko te Mālō o te Atua kua tāli pa mai ki a te koutou.’

Luka 11:21

“Kāfai he tamāloa mākeke e nofo hāuni ma ana kaukupega i te leoleoga o tona fale, e haogalēmū uma ana mea.

Gāluega 20:25

“Kua uma toku pa atu ki a te koutou uma ma folafola atu e uiga ki te Mālō o te Atua, ma e iloa e au e hēai lele he tino o koutou ka toe kikila mai ki a te au.

2 Tehalonia 1:5

Ko nā mea uma iēnei e fakamāonia ai te āmiotonu o te fakamahinoga a te Atua, ma ko te mea ia ka kavea ai koutou ma tagata e tatau ma onomea mo tona Mālō, tēia e māfua ai te maua o koutou i nā puapuagā.