Luka 11:18 - Tokelauan New Testament

¹⁸ Kāfai la te mālō o Hātani e fevaevaeaki ma tauai miha lava ki lātou, e vēhea la ona mafai ke tūmau? E lea koutou e mafai ke tuli e au nā tēmoni ki fafo ona e fōki mai e Pelehepulo te pule kia te au.

Luka 11:18 ပူးပေါင်းရင်းမြစ်များ

Mataio 10:25

Ko te mea ia e tatau ai i te tamaiti akoga ke fiafia oi kavea ia ke vē ko tona faiakoga, ma te pologa ke vē ko tona matai. Kāfai te ulu o te kāiga e fakaigoa ki a Pelehepulo, ka hē hili atu nei la te kino o nā igoa ka fakaigoa ai nā tino o te kāiga!

Mataio 12:26

Kāfai la he vāega e tauai miha ma hētahi vāega i te mālō o Hātani, tona uiga kua uma te vāevāe vāega ma ka hē mataloa kae mālepelepe!

Mataio 4:10

Oi tali mai ai ia Iehu, “Hātani, fano kehe! E lea mai te tuhituhiga paia, ‘Ifo atu ki te Aliki tō Atua ma kaukauna oioti ki a te ia!’ ”

Mataio 4:24

Kua halalau te tala e uiga ki a Iehu ki nā itū uma o te fenua ko Hulia, ma na ōmamai ai ia tagata ma kaumai ki a te ia nā tino e maua i nā itūkāigā tauale kehekehe; nā tino e ulufia e tēmoni, nā tino tauale tete ma nā tino e mate iētahi o lātou itū — kua fakamālōlō uma ki lātou e Iehu.

Luka 11:15

kae ko iētahi tino kua lea vē, “Ko Pelehepulo, te takitaki o tēmoni, te ia fōkia ki ei te pule ke tuli ai ki fafo nā tēmoni.”