Luka 10:7 - Tokelauan New Testament

⁷ Nonofo i te fale tēnā, kakai ma inu ki ho he mea e fōki atu e ki lātou, auā ko nā tino faigāluega e tatau ke maua e ki lātou o lātou totogi. Nahe koutou nonofo holo ma oatu i tētahi fale ki tētahi.

Luka 10:7 ပူးပေါင်းရင်းမြစ်များ

Maleko 6:10

Oi toe vē atu ai tana kupu ki a te ki lātou, “Ko fea lava e talia ai koutou, nonofo i te fale tēnā ke pa ki te taimi e toe olo kehe ai koutou mai te kakai tēnā.

Luka 10:6

Kāfai e i ei he tino e tauhi ki te fīlēmū e nofo i kinā, ke tūmau i ona luga te fīlēmū kua koutou ofo atua ki ei, kae kāfai e hēai, ka toe fakafoki mai ki a te koutou.

Luka 9:4

Ko fea lava e talia ai koutou, nonofo i te fale tēnā ke pa ki te taimi e toe olo kehe ai koutou mai te kakai tēnā;

Gāluega 16:15

Ina kua uma te papatiho o Litia ma nā tino uma o tona kāiga, oi lea vē mai ai ki a te ki mātou, “Ōmai tātou nonofo i toku fale, kāfai koutou kua manatu ko au he tino kua talitonu moni ki te Aliki.” Ma na ia tauanaua ki mātou ke ōake.

Gāluega 16:34

Oi kave ai e ia ia Paulo ma Hila ki tona fale ma fai te lā katiga. Na fakatumulia i te fiafia te leoleo falepuipui ma tona kau kāiga, auā ko ki lātou kua talitonu ki te Atua.

Gāluega 16:40

Na tukua loa e Paulo ma Hila te falepuipui, kae olo ki te fale o Litia. I kinā, na feiloaki ai ki lāua ma nā tino kua talitonu ki a Iehu, ma kavatu ai e ki lāua ki ei ni kupu fakamākeke, oi olo kehe ai.

Kalatia 6:6

Ko te tino kua uma te akoakogia i te fekau faka-Kelihiano, e tatau ke fakaaogā fakatahi e ia nā mea lelei a ia kua maua, ma tona faiakoga.

1 Timoteo 5:13

E hē gata i tēnā, kua ki lātou iloa foki oi fakamāumau o lātou taimi, i te oatu mai tēia fale ki tēia fale. Kae ko te mea e hili te kino, kua ki lātou iloa oi faitala fakakino ma aiā tauanoa ki nā mea e hēai he lātou fekau ki ei.

2 Timoteo 2:6

Ko te faifatoaga na galue mālohi te tatau ke maua muamua tona vāega o te helehelega.