Luka 10:42 - Tokelauan New Testament

⁴² kae e fokotahi oioti lava te mea e manakomia. Kua filifilia e Malia te mea e lelei, ma ka hē toe kave kehea lele mai ia te ia.”

Luka 10:42 ပူးပေါင်းရင်းမြစ်များ

Maleko 8:36

He ā nei he aogā kāfai e maua e he tino te lalolagi kātoa, kae māumau ai tona ola?

Luka 10:39

E i ei te taina o Mafa e igoa ki a Malia, kua nofo ki lalo i tafa o nā vae o te Aliki ma fakalogologo ki ana akoakoga.

Luka 11:1

I tētahi aho, ko Iehu nae tatalo i he mea. I te umaga o tana tatalo, oi lea vē atu ai ki ei tētahi ona hoko, “Te Aliki, fakaako mai ko ki mātou i te tatalo, e vē ko te fakaakoga e Ioane nā hoko o ia.”

Luka 12:20

Kae kua vāgana atu ki ei te Atua, ‘Te Vale! Ko te pō nei lava ka uma ai tō ola; ko nā mea uma la a koe kua hāuni, ko ai te ka kave ma ia?’ ”.

Luka 12:33

Fakatau atu autou mea, ma fōki te tupe ma nā tino mātitiva. Fai ni autou ato teu tupe e hē mafai ke fano e gatu, ma teu ni autou koloa i te lagi, te mea e hē mafai ke fakaitiitia ai, auā e hēai he tino kaihohoa e mafai ke pa ki ei, pe ni mogamoga ke ki lātou fakakinoa.

Luka 16:2

Oi fekau ai e ia tana kaukauna pule ma lea vē atu ki ei, ‘He ā tēnei kua kō lagona atu e uiga ki a te koe? Hāuni mai la he tala kātoa o aku mea uma nae kē kikilagia, auā ko koe ka hē toe kaveagia ma kaukauna pule.’

Luka 16:25

“Kae kua lea vē atu ia Apelaamo, ‘Toku ataliki, e manatua e koe, i tō ōlaga kātoa, na maua e koe nā mea lelei uma lele, kae maua e Lahalo nā mea e kino. Kae nei, kua fiafia ia Lahalo i kinei, kae maua koe i nā tīgā.

Luka 18:22

I te lagona atuga e Iehu o te mea tēnei, oi vāgana atu ai ki ei, “Ko toe tahi lava la te mea e tatau ke kē faia. Fano oi fakatau au mea uma lele ma fōki te tupe ma nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai ki a te au.”

Luka 8:18

“Kikila fakalelei la pe lagona vēhea e koutou te kupu; auā ko nā tino kua i ei ni mea ka toe fōki ki ei iētahi mea, kae ko nā tino e hēai ni mea ka kave kehe mai ia te ki lātou ke pa lava ki he tamāmea e manatu ki lātou e ia te ki lātou.”

Ioane 11:1

Nae i ei he tamāloa e igoa ki a Lahalo nae nofo i Petania, na tauale. Ko Petania ko te kakai ia nae nonofo ai ia Malia ma tona uho ko Mafa.

Ioane 11:19

ma e tokalahi nā tino Iutaia na ōmamai oi fakamāfanafana ki a Mafa ma Malia, ona ko te oti o to lā tuagane.

Ioane 12:3

Oi kave ai e Malia ni lolo manogi taugatā pe ko te nato mamā, kua liligi ki nā vae o Iehu oi holo ai i tona laulu. Ko te manogi manaia o nā lolo kua fakatumulia ai te fale kātoa.

Ioane 17:3

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

Ioane 4:14

ka ko nā tino e inu ki te vai e kō fōkia ki ei, e hē toe fia inua lele. Ko te vai e kō fōkia ki a te ki lātou, e kavea ma vaipuna i loto o ki lātou, e puna ake ai pea te vai o te ola mo ki lātou, ma maua ai e ki lātou te ola e fakavavau.”

Ioane 5:24

“E takutino atu e au ki a te koutou te meamoni; ko nā tino e fakalogo ki taku kupu ma talitonu ki tē na ia uga maia au, ka maua e ki lātou te ola e fakavavau. E hē fakamahinoa ki lātou, kae kua teka atu ki lātou mai te oti, ki te ola.

Ioane 6:27

Koutou nahe gālulue mo nā meakai e pala; kae gālulue mo nā meakai e tūmau pea lava te lelei, ma e maua ai te ola e fakavavau. Ko nā meakai iēnei ka fōki atu ki a te koutou e te Ataliki o te Tagata, auā kua ia te ia te fakatagaga mai te Atua te Tamana.”

1 Kolinito 13:3

Kāfai e fōki e au aku mea uma mā iētahi tino, ma tuku atu e au toku tino ke huhunu — kae hē ia te au te alofa, e hēai he aogā o tēnei mea mo au.

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.