Luka 10:29 - Tokelauan New Testament

²⁹ Kae kua fofou te faiakoga o te Tūlāfono, ke fakailoa ko ia e mālamalama i nā mea iēnei, oi fehili vē atu ai ki a Iehu, “Ko ai toku tuākoi?”

Luka 10:29 ပူးပေါင်းရင်းမြစ်များ

Maleko 8:34

Oi kalaga atu loa ia Iehu ki tagata ma ona hoko ke ōake ki a te ia, oi vāgana atu ai ki ei, “Kāfai he tino e fia mulimuli mai ki a au, e tatau ke tīaki e ia nā mea e fiafia ia ki ei, kae amo tona hātaulo ma mulimuli mai ki a te au.

Luka 10:36

Oi fehili atu ai ia Iehu, “I tō manatu, ko ai o te toka tolu tēnei, na kavea ma tuākoi lelei ki te tino na kini e nā tino fāomea?”

Luka 16:15

Kua vāgana atu ia Iehu ki a te ki lātou, “Ko koutou iēnā e fia āmiotonu i mua o tagata, kae e kitea e te Atua nā mea i outou loto. Auā ko nā mea e fakatāua i te kikila a te tagata, ni mea iēnā e inoino ki ei te Atua.

Loma 10:3

Ko hēki ki lātou iloa te auala e fakalelei ai e te Atua te va o tagata ma ia, ka kua taumafai lava ki lātou ke fai a lātou lava faiga māhani; ma kua hē ki lātou tukuatua ai ki lātou ki te faiga a te Atua e fakalelei ai te va o tagata ma ia.

Loma 4:2

Kāfai te va o ia ma te Atua na fakalelei ona ko ana gāluega nae fai, nae tatau la ke i ei he mea ke fāfia ai — kae e hē i mua o te Atua.

Kalatia 3:11

Nei, e manino e hēai he tino e mafai ke fakaleleia tona va ma te Atua e ala i tona uhitaki ki te Tūlāfono, auā e lea mai te tuhituhiga paia, “Ko te tino e fakaleleia tona va ma te Atua e ala i te fakatuatua, ko ia tēnā te ka mauagia te ola moni.”

Iakopo 2:24

Kua koutou kitea la, ko nā gāluega a ki tātou te fakalelei ai to tātou va ma te Atua, kae e hē nā ko te fakatuatua oioti.