Luka 10:17 - Tokelauan New Testament

¹⁷ Kua foki mai te toka fituhefulu lua ma te fiafia lahi. Kua lea vē atu ki a Iehu, “Te Aliki, ke pa foki lava ki nā tēmoni, nae uhitaki mai kāfai e fakatonu e ki mātou i tō igoa!”

Luka 10:17 ပူးပေါင်းရင်းမြစ်များ

Mataio 4:24

Kua halalau te tala e uiga ki a Iehu ki nā itū uma o te fenua ko Hulia, ma na ōmamai ai ia tagata ma kaumai ki a te ia nā tino e maua i nā itūkāigā tauale kehekehe; nā tino e ulufia e tēmoni, nā tino tauale tete ma nā tino e mate iētahi o lātou itū — kua fakamālōlō uma ki lātou e Iehu.

Maleko 16:17

Ko nā tino kua talitonu ka ia te ki lātou te pule e fai ai nā vāvega; ka ki lātou tuli kehea nā tēmoni; ka tautatala i nā gagana kehe;

Luka 10:1

Kua uma atu te mea tēnei, oi filifili ai e te Aliki iētahi tino e toka fituhefulu lua, oi uga ai tau toka lua ke muamua atu ia te ia, ki nā kakai takitahi ma nā nofoaga kua tuku e kui atu ai ia.

Luka 10:20

Kae ia koutou nahe fiafia ona ko nā agaga kino e uhitaki atu ki a te koutou; kae fiafia auā ko nā igoa o koutou kua tuhituhia i te lagi.”

Luka 10:9

fakamālōlō nā tauale i te kakai tēnā, ma lea vēnei kinā tino uma i kinā, ‘Ko te Mālō o te Atua kua tāli pa mai ki a te koutou.’

Luka 9:1

Kua fakapotopoto mai e Iehu ona hoko e toka hefululua, oi tuku atu ai e ia ki a te ki lātou te mana ma te pule ke tuli ai ki fafo nā tēmoni uma, ma fakamālōlō ai nā tauale.

Loma 16:20

Ma ko te Atua, te puna o te fīlēmū, ka tuki pala e ia ia Hātani i lalo o outou vae, i he taimi pili mai. Ke ia te koutou te alofa tūnoa o to tātou Aliki ko Iehu.

Efeho 5:24

Ko te mea ia e tatau ai nā fafine ke tuku atu kātoatoa ki lātou ki a lātou tāne, e vē foki lava oi tuku atu kātoatoa te Ekalehia ki a Keliho.